Таткото на Меган Маркл си измислил дека има „проблеми со срцето“?!

Детали

петок, 20 јули 2018

По неславното откажување на присуство од кралската свадба на својата ќерка Меган Маркл, името Томас Маркл сега е поврзано со нов скандал.

Изворот на ова тврдење е близок пријател на Меган, кој тврди дека 74-годишниот Томас никогаш немал проблеми со срцето и целата здравствана состојба е лажирана за да придобие симпатии.

„Целата приказна за таткото на Меган Маркл и наводната операција на срце пред венчавката е измислена,“ вели изворот за Daily Mail.

„Мораше да смисли добра причина зошто нема да присуствува на венчавката и да одбегне понатамошни непријатности по наместените фотки кои се проширија во јавноста.“

Во клиниката каде се тврдеше дека Томас престојувал тие неколку дена, се тврди дека никој со тоа име не влегол, ниту имал операција.

Изворот додава: „Неиздржаната приказна за лошото здравје беше начин да придобие симпатии од јавноста, откако ги исценира фотките кои беа срам за Меган и за кралското семејство.“

Уште еден доказ за измислената здравствена состојба е тоа што папараците го уловиле во McDonalds два дена по „операцијата“:

За TMZ неодамна Томас изјавил: „Молчев цела година. Сега го обожавам фактот дека можам да го замолчам целото кралско семејство. Можеби ќе измамам насмевка од војвотката.“

М. Д. | Црнобело