Израел e победник на Евровизија 2018

Детали

недела, 13 мај 2018

Вечерва, 13-ти мај, се одржа финалето на 63-тото издание на Евровизија во Лисабон, Португалија.

Гламурозна сцена, четири прекрасни водителки, одлична публика, славење на различностите и многу талент ни подари годинава најголемото музичко натпреварување. Единствена сенка на совршената организација на Евровизија фрли скандалот за време на настапот на Велика Британија, кога маж мина покрај обезбедувањето и за миг ѝ го зема микрофонот на британската претставничка.

На сцената видовме впечатливи настапи, многу енергија и завидни вокални способности на голем дел од натпреварувачите, а победата со 529 поени ја понесе претставничката на Израел Нета со песната „Toy“.

На второто место се најде Кипар, а на третото Австрија.

Македонија годинава ја претставуваа Eye Cue со песната „Lost And Found“ на првата полуфинална вечер, но за жал не се пласираа во финалето. Последен пат Македонија влезе во финалето пред 6 години во Баку кога нѐ претставуваше Калиопи со песната „Црно и бело“.

Македонија вечерва 12 поени ѝ даде на Естонија.

Погледнете го победничкиот настап на Израел:

С. С. | Црнобело