Лиам Пејн и Рита Ора го изведоа секси дуетот од „Fifty shades freed“ на BRIT Awards ‘18

Детали

четврток, 22 февруари 2018

Во екот на лудилото за Fifty shades freed“ изведбата на песната од филмот на BRIT Awards ’18 беше вистински погодок.

Лиам Пејн (24), ѕвездата од One Direction, и пејачката Шерил Кол (34) ги негираа гласините за нивната разделба кога се појавија заедно на BRIT Awards. Двајцата блескаа на црвениот тепих, но Лиам ги освои срцата на понежниот пол со изведбата на секси дуетот „For you“ од филмот „Fifty shades freed“ со Рита Ора (27).

При настапот на Лиам и Рита, на сцената во лондонската O2 Арена не видовме некоја посебна сексуална тензија и жешки потези, туку пристојна дистанца помеѓу нив, иако домаќинот на настанот Џек Вајтхол се пошегува на нивна сметка.

Рита се појави во минималистички бел аутфит и ја покажа извајаната фигура. Лиам се одлучи за елегантен црн костим на кој имаше мала бела роза во знак на поддршка на движењето „Time’s Up“.

Рита, која ја доби наградата за најдобар женски соло артист, потоа на сцената ја видовме во бели тренерки.

Претходно Лиам со друго палто беше фотографиран на црвениот тепих со својата партнерка Шерил, со која го имаат 11-месечното синче Беар. Шерил се одлучи за црн кус фустан и во раката држеше бела роза во духот на „Time’s Up“.

Нивното појавување на BRIT Awards 2018:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело