Далеку од очите на јавноста: Што прави „сестрата“ на принцовите Вилијам и Хари? (фото)

Детали

понеделник, 12 февруари 2018

Таа живее повлечено, но веројатно ќе присуствува на големата кралска свадба. Нејзината ќеркичка ѝ беше мала деверица на војвотката Кејт Мидлтон. Британката е во брак со поранешен модел за долна облека, кој денес работи како сметководител.

Директорката на лондонска уметничка галерија, Лора Лопес (40) не сака да го поминува животот под будното око на јавноста, како што тоа секојдневно го прават нејзините „браќа“, принцовите Вилијам (35) и Хари (33).

Меѓутоа, таа сепак доаѓа на најважните фамилијарни собири на кралското семејство.

Лора е ќерка на Камила (70), војвотката од Корнвол, која долго време беше во некрунисана љубов со принцот Чарлс (69), пред и официјално да станат маж и жена во 2005 година.  

Иако не се во крвно сродство, Лопес има мошне топол сестрински однос кон Вилијам и Хари, а негува и пријателска врска со Кејт Мидлтон (36) и сестра ѝ Пипа Мидлтон (34).

Наспроти британските престолонаследници, нејзиниот роден брат е Том, 43-годишниот син на Камила и Ендрју Паркер Боулс, кој е автор на книги за храна.

Според пишувањата на странските медиуми, ќерката на маќеата на Вилијам и Хари е веќе 12 години во брак со сметководителот Хари Лопес (40) од Вилтшир.

Меѓу петстотината гости, на венчавката на Лора во 2006 година беа присутни и принцовите Вилијам и Хари, сегашната војвотка од Кембриџ – Кејт Мидлтон, како и Чарлс со Камила.

Заедно со сопругот Хари имаат три деца. Родители се на ќерката Елиза (10), како и близнаците Луис и Гас (8).

На свадбата на Кејт и Вилијам, пак, токму малечката Елиза беше една од главните ѕвезди.

Таа беше деверица задолжена за фрлање на цвеќе, бидејќи според верувањата, тоа симболизира среќа во бракот.

Лора има завршено студии по историја на уметност и маркетинг на Универзитетот Оксфорд Брукс.

Порано работела за британскиот магазин Tatler, а потоа со пријателска поддршка ја коосновала галеријата „Eleven“ во Лондон, чијашто директорка е денес.

Поучена од лошите искуства во минатото, таа се држи понастрана од кралските кругови и папараците.

Води сосема нормален живот, а главна цел ѝ е да се посвети на кариерата и мајчинството.

Сепак, речиси извесно е дека со сопругот ќе се појават на големата свадба на принцот Хари и Меган Маркл.

Се сеќавате ли на оваа дама?

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело