Славни личности на кои им се посреќило во вториот брак

Детали

понеделник, 18 септември 2017

Разводите кај славните парови не се никаква новост, но тоа не значи дека не се исто толку болни како кај „обичните“ луѓе.

По разделбата, се чини дека е невозможно да се најде друга љубов. Сепак, со тек на време болката поминува и партнерите стекнуваат храброст да ја побараат среќата на друго место.

Следниве славни личности се доказ дека вториот брак може да биде уште поубав и посреќен од првиот:

Џесика Симпсон

По бракот со Ник Лaшe, со кој славната пејачка сними и реално шоу, сите мислевме дека убавата русокоса ќе остане долго со скршено срце. Но, во 2014-тата, таа го запозна Ерик Џонсон со кој стапи во брак и роди две дечиња.

Софија Вергара

Првиот брак на убавата Колумбијка со љубовта од младоста Џо Гонзалез траеше само 2 години и заврши неславно. На ѕвездата од „Modern Family“ ѝ требаше долго време да најде нова вистинска љубов, но потрагата конечно заврши во 2015-тата, кога се омажи за актерот Џо Манганиело.

Рајан Рејнолдс

Разводот на Рајан Рејнолдс и Скарлет Јохансон во 2011-та ги изненади сите. Но, за среќа, кратко време по разводот, згодниот актер ја запозна колешката Блејк Лајвли на снимањето на филмот „The Green Lantern“. Тие се во брак 5 години и имаат две ќеркички.

Никол Кидман

Популарната актерка го запозна Кит Урбан уште додека беше во брак со Том Круз, од кого се разведе во 2001-та. После 5 години, Никол повторно ја пронајде среќата и тоа со стариот познаник, музичарот Кит Урбан, со кој се сè уште заедно.

Рис Витерспун

Бракот на младите актери Рис Витерспун и Рајан Филипе. За жал, нивниот брак заврши, а 4 години подоцна, Рис го запозна нејзиниот втор сопруг, Џим Тот, со кој е сè уште во брак и вели дека тој е нејзината сродна душа.

Ештон Кучер

Сите беа изненадени кога Ештон Кучер стапи во брак со 16 години постарата Деми Мур. Но, нивниот брак беше многу стабилен и ги помина сите препреки. Сепак, тие се разведоа во 2013-тата, а по две години, Ештон се ожени со неговата колешка од „That 70's Show“, Мила Кунис со која има 2 деца.

М. В. | Црнобело