Најголемите ривалства меѓу пејачите, на сите времиња

Детали

четврток, 01 јуни 2017

Како што постојат искрени пријателства меѓу славните, така постојат и сериозни ривалства. Многу поп диви, ѕвезди, рапери и раперки и изведувачи едноставно колку и да сакаат, не се согласуваат.

Ова се некои од највжештените ривалства меѓу славните:

1. Лејди Гага vs. Мадона

Мадона во неколку наврати има споменато дека Лејди Гага ја копира, посебно со „Alejandro“ и „Born This Way“ (која многумина ја споредија со песната на Мадона, „Express Yourself“).

2. Мараја Кери vs. Џенифер Лопез

Караниците меѓу нив започнаа во раните 2000-ти кога Мараја изјави пред новинарка дека не знае која е Џеј Ло. Во 2015-та за време на настапот на Мараја на Billboard Music Awards, Џеј Ло се концентрираше на нејзиниот мобилен, не настапот, а после тоа, Мараја уште неколкупати изјави дека не знае која е Џеј Ло.

3. Мараја Кери vs. Ники Минаж

Во 2012-та кога Мараја и Ники беа судијки на „American Idol“ повеќе од очигледно беше дека не „се трпат“ една со друга.

4. Кети Пери vs. Тејлор Свифт

Кети и Тејлор вработиле исти танчари, за таа ситуација Тејлор напиша песна, а Кети ја нарече „Реџина Џорџ во овчешко крзно“.

5. Тејлор Свифт vs. Канје Вест

Сè започна кога Канје реши да го прекине говорот на Тејлор.

6. Џастин Бибер vs. Селена Гомез

Нивната приказна започна со младешка љубов која заврши неславно. Нивните расправии започнаа откако Селена беше фотографирана заедно со Орландо Блум и моментот кога Орландо го удри Џастин на Ибица. Во 2016-та Селена  реши да коментира во врска со новата љубов на Џастин, Софија Ричи.

7. Мајли Сајрус vs. Ники Минаж

Мајли реши да се вклучи во расправијата на Тејлор Свифт и Ники Минаж за време на VMA наградите во 2015-та, кога Тејлор изјави дека Ники не ги поддржува другите пејачки. Мајли ја поддржа Тејлор, а Ники реши да се одмазди прашувајќи ја Мајли: „Miley, what’s good?“ на VMA.

Н. Г. | Црнобело