Ќе се изненадите: Каде се родени најголемите ѕвезди на Холивуд?

Детали

сабота, 13 мај 2017

Многумина веројатно мислат дека Никол Кидман е родена во Австралија или државата каде што е родена Ема Вотсон е нормално – Велика Британија.

Всушност, прилично ќе се изненадите од местото на раѓање впишано во личните карти на дел од ѕвездите на денешницата:

Мартин Лоренс

Мартин Фицџералд Лоренс е роден во Франкфурт, Германија, додека неговиот тато служел во воените американски сили лоцирани во Германија. Името го добил според лидерот за цивилни права Мартин Лутер Кинг и американскиот претседател Џон Ф. Кенеди.

Кијану Ривс

Канадскиот актер е роден во Бејрут, Либан. Неговата мајка се запознала со неговиот татко додека работела во Бејрут, иако тој ги напуштил подоцна кога Кијану имал само 3 години.

Шарлиз Терон

Прекрасната Шарлиз е родена во Бенони, кое на времето било провинција во Јужна Африка. Таа се преселила во САД кога имала 17 години. Актерката пораснала во Бенони, кое се наоѓа во близина на Јоханесбург.

Ема Вотсон

Ема е всушност родена во Париз, Франција. Живеела во Париз до својата 5-годишна возраст, а откако нејзините родители решиле да се разведат се преселила во Оксфордшир.

Никол Кидман

Никол е родена во Хонолулу, Хаваи, додека нејзините австралијански родители имале овозможен привремен престој во САД врз основа на студентска виза. Токму поради тоа таа поседува двојно државјанство, а во Австралија се сели кога има само 4 години.

Мила Кунис

Ѕвездата на „That ‘70s Show“ е родена во Чернивци, поранешен СССР, односно на територијата на денешна Украина. На 7-годишна возраст со семејството се преселила во Лос Анџелес со само 250 долари, бидејќи толку им било дозволено да понесат со себе.

Жоакин Феникс

Роден е како Жоакин Рафаел Ботом во Рио Пиедрас, секторски град во Сан Хуан, Порторико. Неговите родители се запознале во Калифорнија и се придружиле на религиозната група „Децата на Бог“, па започнале да патуваат низ Јужна Америка, каде што е роден и Жоакин.

Миша Бартон

Миша е родена во Хамерсмит, Лондон. Се преселила во Њујорк со родителите на 6-годишна возраст, а американско државјанство добила дури кога наполнила 20 години.

Натали Портман

Нејзиното вистинско презиме е Хершлаг, а е родена во Ерусалим, Израел. На 3-годишна возраст се сели во Вашингтон, САД со своето семејство.

Томи Ли

Томи е роден во Атина, Грција, додека неговиот татко служел војска и бил стациониран токму таму. Фамилијата се сели во Калифорнија само една година по неговото раѓање.

Ејми Адамс

Родена е во Виченца, односно Венето во Италија. Нејзиното семејство се селело многу поради работата на татко ѝ, додека не се стационирале во Колорадо кога Ејми имала 8 години.

Нина Добрев

Николина Константинова Добрева е родена во Софија, Бугарија. Таа се преселила во Канада со родителите кога имала само 2 години и пораснала во Торонто, Онтарио. Течно зборува англиски и бугарски.

Ким Катрал

Ѕвездата на „Сексот и градот“ е родена во Ливерпул. Живеела и во Канада, но на 11-годишна возраст повторно се вратила во Англија каде што поминала уште 5 години.

(O)Милена | Црнобело