Стареењето е природна работа: 5 актерки кои рекоа „не“ на пластичните операции

Детали

петок, 08 јули 2016

Славните личности се познати по тоа дека се редовни посетители кај пластичните хирурзи за да го постигнат невозможното – холивудскиот тренд на вечна младост.

Некои ѕвезди со текот на времето претеруваат, но има и онакви кои никогаш не легнале под нож и кои сакаат природно да стареат.

Ова се дел од ѕвездите кои рекоа „не“ на пластичните операции:

1. Салма Хајек

Таа има 48 години, но на неа тоа не се гледа. Таа неколку пати е прогласена за најубава актерка, а тоа е благодарение на природната убавина. Хајек признала дека размислувала за ботокс, но брзо ја отфрлила идејата бидејќи размислувала што му се случува на лицето и мускулите по вбризгувањето.

2. Ема Томпсон

Англиската 55-годишна актерка, не само што не посетува естетски хирурзи, туку заедно со својата колешка и пријателка – актерката Кејт Винслет покренаа британска лига против пластичната хирургија. Актерките се заколнале дека никогаш нема да одат на ниеден тип на зафат, нити дека ќе примаат ботокс.

Томпсон еднаш изјавила дека пластичната хирургија не е нормална работа, но дека се креирала култура која вели дека тоа е потполно нормално.

3. Џоди Фостер

Џоди Фостер, која моментално има 52 години, се противи на пластичната хирургија и не сака да го врати својот младешки изглед. Таа изјавила дека попрво би сакала да чуе дека има грд нос отколку лошо направена операција на носот.

4. Џулија Робертс

Оваа 47-годишна актерка позната по својата насмевка, дури 11 се пати се нашла на листата најубави жени во светот и тоа без помош на пластичен хирург. Таа признала дека еднаш пробала ботокс, но дека замрзнатоста на лицето (што е нормална појава при ботокс) никако не ѝ се допаднала и брзо го извадила.

Џулија исто рекла дека има 3 деца кои би требало да знаат какви емоции таа чувствува во моментот кога ги чувствува, а ботоксот го оневозможува тоа.

5. Џејми Ли Кертис

Уште една актерка која има 56 години, стареењето го смета за потполно нормално и не го разбира стравот од стареење. Кертис еднаш рекла дека не верува дека со зборот „стареење“ се користи и зборот „анти“ и дека стареењето е нормална човечка еволутивна појава и дека кога-тогаш сите ќе остариме.

С. С. | Црнобело