Прочитајте го писмото кое Дејвид Боуви го испратил на своја 14-годишна обожавателка

Детали

понеделник, 11 јануари 2016

По вестите за смртта на познатиот пејач Дејвид Боуви, фановите започнаа да споделуваат негово писмо до 14-годишна девојка напишано во 1967-та година.

Дејвид имал само 20 години кога го добил писмото на Сандра Дод од Ново Мексико. Во него таа му вели дека од чичко ѝ го добила неговиот албум, ги преслушала неговите песни кои според неа се добри колку оние на Битсли.

Младиот музичар бил толку возбуден, што веднаш ѝ вратил на писмото.

Еве што напишал:

„25-ти септември 1967

Драга Сандра,

Пред само неколку моменти се слушнав со мојот менаџер и го добив моето прво писмо од американски фан – од тебе. Бев толку среќен што морав да седнам и веднаш да почнам да пишувам за да ти одговорам, иако Кен ми вика да продолжам со пишување на текстот кој очајно му е потребен. Тоа може да почека.

Чекав реакција на албумот од американски слушатели. Имаше прегледи на Billboard и Cash Box, но од професионални критичари, а тие ретко кога го рефлектираат мислењето на публиката, иако беа ласкави. Дури велат дека и синглот „Love You Till Tuesday“ им се допаднал. Добив копија од американскиот албум каде предната фотографија е малку жолта. Не сум толку русокос. Мислам дека задната фотографија повеќе личи на мене.

Што се однесува до твоите прашања, моето вистинско име е Дејвид Џоунс и нема потреба да ти кажам зошто го променив. „Никој нема да прави мајмун од тебе“, рече мојот менаџер. Роденден ми е на 8-ми јануари и мислам дека сум 178cm висок. Имам фан клуб тука во Англија, но ако работите се одвиваат како што треба мислам дека ќе има и таму во САД. Рано е да мислам за тоа.

Се надевам дека еден ден ќе дојдам во САД. Мојот менаџер многупати досега ми зборувал за таму, бидејќи бил повеќе пати со други артисти. Гледав стар филм на ТВ минатата ноќ именуван како „No Down Payment“, одличен филм, но депресивен ако ја прикажува реалната слика за американскиот начин на живеење. Но, нешто подоцна започнаа со прикажување на документарец за поетот Роберт Фрост и неговиот дом во Вермонт, каде сликата е попозитивна. Го направив мојот прв филм минатата недела. Трае само 15 минути, но ми понуди искуство кое ме подготви за долгометражниот кој ќе почнам да го снимам во јануари.

Ти благодарам што ми пиша и те молам пиши ми повторно и кажи ми нешто повеќе за тебе.

Искрено,

Дејвид Боуви“.

Н. Г. | Црнобело