Анџелина и Бред ќе станат родители по 7-ми пат?

Детали

понеделник, 09 февруари 2015

Познатиот брачен пар веќе има големо семејство, но изгледа тие решија уште еднаш да го прошират своето семејство и да станат родители по 7-ми пат.

Маус е 2 годишно дете бегалец од Сирија, а Анџелина го запознала додека го обиколувала кампот за момчиња во Турција, како амбасадор на Обединетите Нации.

Животната приказна на Маус ја довела Анџелина до солзи, а штом Маус ги забележал нејзините емоции, тој стигнал до неа и ја прегрнал. Таа го бакнала во челото и од тој миг станале неразделни, тврдат социјалните работници од кампот.

Момчето од Сирија ќе биде 7-мото дете на актерскиот пар, кој веќе има 3 биолошки и 3 посвоени деца меѓу кои:

Медокс Чиван Џоли-Пит роден на 5-ти август 2001 година во Камбоџа, а посвоен во март 2002 година. Анџелина често Медокс го нарекува „омилено дете” и признава дека се најслични во карактерот.

Пат Тијен Џоли-Пит е роден на 29-ти ноември во 2003 година во Виетнам, а посвоен во март во 2007 година.

Захара Марли Џоли-Пит е родена на 8-ми јануари во 2005 година во Етиопија, а посвоена е во јули во 2005-та година.

Шилоу Новел Џоли-Пит родена е на 27-ми мај 2006 година во Намибија.

Нокс Леон Џоли-Пит роден е на 12-ти јули 2008 година во Франција, како и неговата сестра близначка Вивијен Маршелин Џоли Пит.