7 тајни венчавки на познатите за кои сè уште не знаеме многу

Детали

понеделник, 01 септември 2014

Во светот на познатите постојат многу парови кои одлучија својот посебен ден да го прослават далеку од очите на јавноста.

Токму овие 7 парови не сакаа да откријат премногу за својата свадбена церемонија:

Бијонсе и Џеј Зи - Иако отсекогаш се зборуваше за нивната врска и секој нивен чекор се следи до ден денес, тие во 2008 година сепак успеаја да се венчаат тајно и да одржат свадбена церемонија во Њујорк, во станот на Џеј Зи.

Пенелопе Круз и Хавиер Бардем - Овие шпански актери се познаваа многу години пред да ја започнат љубовната врска. Се венчаа во 2010 година на Бахамите, а познато е само дека невестата носела фустан дизајниран од Џон Галијано.

Рејчел Вајс и Даниел Крејг - Во 2011 година на филмското платно глумеа како брачен пар, а истата година и се венчаа во Њујорк. На тајната церемонија присуствувале само 4 личности покрај нив, вклучувајќи го синот на Рејчел и ќерката на Даниел.

Џенифер Гарнер и Бен Афлек - Парот кој е заедно веќе 9 години, кој во 2005 година се вери, а нешто подоцна Џенифер остана бремена. Познато е само дека венчавката се одржала на Турк и Каикос.

Гвинет Палтроу и Крис Мартин - Иако новинарите биле известени дека венчавката ќе се одржи на Сент Барбара, никој од нив не можел да ја пронајде точната локација.

Натали Портман и Бенџамин Милпје - Откако се запознаа на снимањето на филмот Black Swan, за кој Натали доби Оскар, набрзо добија син Алеф и се венчаа во 2012 година во Калифорнија.

Жизел Бундшен и Том Брејди - Иако секојдневно се појавуваат заедно на многубројни настани и немаат никаков проблем со јавното фотографирање, на венчавката одржана во Костарика во 2009 година, строго ги забраниле фотоапаратите.