Александра Накова одлучи да го напушти шоуто на „Танц со ѕвездите 2“ од приватни причини

Детали

понеделник, 24 февруари 2014

Македонската манекенка Александра Накова и нејзиниот професионален танцов партнер Илија Карадакоски се петтата танцова двојка која го напушта популарното шоу „Танц со ѕвездите 2“.

Влатко Илиевски со неговата партнерка Марина Овезовска и Александра Накова со Илија Карадаковски имаа ист број гласови, а според правилата требаше да има танц за спас „Dance off“, но Накова одлучи да го напушти шоуто од приватни причини.

Имено, ден пред снимањето Александра имала сообраќајна незгода и поради набиеници не е во можност да вежба и да продолжи да танцува.

Во петтата по ред елиминациона емисија, продукцијата „Дрим фактори“ и МРТ ги изненадија гледачите со „Танц Маратон“ односно „Салсатон“.

Во „Танц Маратон“ преостанатите двојки се на сцена и играат сè додека трае песната, судиите кажуваат кој си оди, а тој што најдолго останува на сцената добива најмногу поени.

Енергијата на шармерот кој освои многу женски срца - Илија Карадакоски и згодната манекенка Александра Накова ќе им недостигаат на гледачите, но продукцијата подготвува многу нови изненадувања кои ќе ги задржат гледачите на првиот програмски сервис на МРТ.

Ова е нивниот танц од претходната емисија:

Ова е танцовиот маратон: