Новогодишни концерти на финалистите од „Х - фактор Адриа“

Детали

петок, 27 декември 2013

Ако сте дел од најголемите фанови на музичкото шоу „Х – фактор Адриа“ и имате можност викендов да отпатувате до Србија, тогаш за вас има специјално задоволство.

Сите 12 финалисти кои досега беа избрани од четирите групи ќе настапат на два заеднички концерти.

За првпат, на едно место во преубава празнична атмосфера во шопинг центарот „Делта Сити“ овие петок и сабота (27. и 28.12.2013) со почеток од 18 часот, два дена ќе може вистински да уживате.

Во текот на двата концерта посетителите ќе уживаат во интерпретациите на своите фаворити. Овој петок први ќе настапат девојките до 27 години: Александра Брковиќ, Тамара Милановиќ, Илма Карахмет и момците до 27 години: Алекса Петровиќ, Харис Ќато, Лукијан Ивановиќ.

Во сабота, пак, ќе настапат: Даниел Кајмакоски, Младел Лукиќ, Маја Новаковиќ, машкиот бенд „Доктори“, женскиот бенд „4U“, Фифи и Маринела како дуо „H2O“.

Ќе има и наградна игра во која ќе може да се освојат билети за спектакуларното финале на „X – фактор Адриа“

Оние кои нема да имаат можност да отидат и да ги погледнат концертите во живо, веројатно ќе бидат прикажани како дел од некоја специјална Х – фактор емисија.

Потсете се на настапот на Даниел кој сигурно ќе сакате да го погледнете и во живо