Рецептот на Новак и Јелена за среќна врска

Детали

петок, 27 септември 2013

За нивната љубов не се знае премногу, освен она што сами го објавуваа во јавноста. Додека избраничките на останатите колеги на Новак беа манекенки, тој се одлучи за ненаметливата студентка по економија.

Во првата година беа речиси незабележливи во медиумите, без папараци и насловни страници. Но, како се искачуваше Новак на АТП листата, така растеше и неговата популарност, а со тоа и интересирањето за неговиот приватен живот.

Па така, почнаа да излегуваат секакви гласини за негови афери со некои познати девојки, озборувања за ставот на неговото семејство кон неговата избраничка, коментари на негови пријатели, но на оваа тема ниеден од нив двајца не зборуваше ништо. Двајцата мудро молчеа и си ги остваруваа успесите, секој во својата област.

Која е Јелена Ристиќ?

Економистката која го заинтригира светот е родена во 1985 во Белград, таму завршила и спортска гимназија, рекреативно се занимавала со тенис и атлетика. По средношколските денови, кога и го запознала Новак, родителите ја запишале на студии по економија во Милано, каде ги завршила студиите и се вработила во нафтена индустрија.

Откако почнала да живее со Новак и да го следи на сите негови турнири и настани, почнал и сè поголемиот интерес на медиумите за неа. Но, не само спортските, туку за неа се интересираат и многу модни медиуми. Секогаш насмеана, облечена во спортски-кежуал стил, ненаметливо, Јелена целосно го сврти медиумското внимание на себе.

По 8-годишна врска се вери со Новак, а со оглед на неговиот планетарен успех и нивната заедничка харизма како пар, се шпекуилира дека  нивната венчавка според гламурозноста и листата на познати ѕвезди кои ќе бидат поканети, ќе биде најспектакуларна венчавка која се случила во Србија.

Рецептот за успешна врска

За цело време додека во јавноста се ширеа секакви написи за нивната врска, се обидуваа да измислуваат афери и слично, тие останаа приземни, смирени и трпеливи. Јелена никогаш немаше изјавено нешто поврзано со нивната врска, никогаш не отстапила од својата биографија и имиџ на доктор на науки, која е во долга стабилна врска со познат спортист и личност која не сака да се експонира.

Тоа е она што всушност го фасцинира Новак, нејзината присебност, ненаметливост, стабилност, поддршка и успехот во нејзиниот професионален живот.

Уште одамна Ѓоковиќ има изјавено: „Млад сум, сакам добра забава, но имам прекрасна и стабилна врска со девојка која ме прави потполно среќен. Се трудам, ништо да не го наруши нашиот однос.“

Се забележува и кај многу други познати спортисти, меѓу кои и Роџер Федерер, Андре Агаси, Штефи Граф, Дејвид и Викторија Бекам, дека исклучително важно им е да имаат стабилност и поддршка од своите избранички. Познатите и атрактивни девојки се предизвик и тешко им одолеваат, но она што и самите го истакнуваат е дека за успешно да функционираат, да постигнуваат врвни успеси и да имаат среќен живот, потребна им е успешна девојка, љубов, сигурност и поддршка, а не разгалени девојки, озборувања и каприци.