Македонија, Португалија: Кои се најпознатите личности од земјите ширум светот?

Албанија – Дуа Липа

Иако е родена во Лондон, Дуа Липа е горда на своите корени.

Со три Греми награди и бројни други признанија, денес е една од најпознатите пејачки во светот.

Србија – Новак Ѓоковиќ

Србија е дом на многу балкански ѕвезди, но Новак Ѓоковиќ е оној кој ја направи својата земја светски позната.

Ѓоковиќ не е само познат тенисер, туку е број еден во светот и може да се пофали со неколку рекорди.

Италија – Моника Белучи, Изабела Роселини и Софија Лорен

Низ годините се појавиле бројни италијански актерки, но најголем впечаток ни имаат оставено Моника Белучи, Изабела Роселини и Софија Лорен.

Покрај талентот, трите актерки неретко се вбројувани меѓу најубавите жени во светот.

Барбадос – Ријана

Ријана важи за најпознатата личност од Барбадос, а и покрај своите скромни почетоци, денес е меѓу најславните, но и најбогатите музичари.

Кариерата ја почна уште во тинејџерските години, а покрај музиката, има и успешна линија долна облека и козметички продукти.

Нов Зеланд – Таика Ваитити и Питер Џексон

Најпознатите личности од Нов Зеланд се режисери.

Питер Џексон се прослави со трилогијата The Lord of the Rings која и две децении подоцна важи за најдобрата адаптација на книга.

Таика Ваити, пак, е познат по уникатните филмови со забавни елементи, но и длабоки пораки.

Македонија – Тоше Проески и Милчо Манчевски

Бројни Македонци нè направиле горди пред светот, особено на просторот на поранешна Југославија.

И, тешко би било да се издвојат само еден-двајца.

Ќе го спомнеме Милчо Манчевски бидејќи е најплодниот македонски режисер и има направено многу за македонската кинематографија – неговите филмови се прикажувани низ повеќе од 50 земји ширум светот.

Притоа, неговиот филм „Пред дождот“ е првиот македонски филм кој добил номинација за Оскар, а режисерот се има закитено и со други престижни филмски награди.

Тоше Проески, пак, несомнено е најпознатиот пејач од Македонија кој успеа да изгради кариера и во соседните земји.

Спирова С. | Црнобело