„Уште е гневна поради Бред, им се ’истура‘ на сите“: Вработени откриваат тајни за Анџелина Џоли

Споделувала лични детали со вработените во домот

Според жената која ѝ била дадилка на Џоли, таа била воспитана од куќните помошнички и од неа.

„Кога Џоли беше дете имаше многу куќни помошнички во нејзиниот дом – една дадилка ја заспиваше, друга ја будеше“.

Џоли не минувала многу време со мајка ѝ, а татко ѝ не живеел со нив.

Па, поради ова, стекнала навика да споделува лични детали со дадилките и куќни помошнички кои веројатно ги гледа како родители.

Не се преоптоварува со образованието на децата

Според поранешна дадилка на Џоли, актерката не се фокусирала многу на образованието на децата.

„Им дозволува да учат тоа што сакаат и да го игнорираат она што не ги интересира.

Тие не прават тестови и не пишуваат домашни“.

Сепак, друг извор вели дека иако не делува така, Џоли се труди децата да добијат добро образование.

„Тие имаат тутори, експерти од секој област. Сака нејзините деца да учат од најдобрите.

А, за да ги научи уште повеќе, бара дадилките да зборуваат барем уште еден јазик покрај англиски, како француски, шпански…“

Џоли e далеку од вообичаен родител

Друга дадилка има изјавено дека во домот на Џоли, децата и не требало да следат некои строги правила.

„Како да живеат во заедница со хипици бидејќи Џоли не верува во правила.

Смета дека децата треба да имаат слобода да се искажат себеси, но ова не е секогаш добар пристап“.

Обезбедувањето внимава што гледаат децата на интернет

Иако Џоли им давала слобода на децата, сепак донекаде воспоставувала контрола.

„Децата можат да користат интернет колку што сакаат.

Но, за нивна безбедност, тимот од обезбедувањето надгледува што прават онлајн“, вели поранешен вработен.

Спирова С. | Црнобело