Емотивно видео: Адел во солзи ја прегрнува Селин Дион, откако ја виде во публика на нејзин концерт

Детали

понеделник, 28 октомври 2024

Кога ја здогледа Селин Дион во публиката, Адел истрча да ја прегрне, а и двете пејачки се расплакаа. Адел не крие дека е огромен фан на Селин и еднаш откри дека дома чувала мастика која ја џвакала пејачката.

И покрај болеста позната како синдром на вкочанета личност, Селин Дион уште е активна.

56-годишната пејачка и самата изјави дека нема да дозволи синдромот да ѝ го уништи животот.

Откако ја сподели дијагнозата, Селин Дион се појави на неколку важни настани, а имаше и настап на Олимписките игри.

Неодамна, пак, таа беше на концерт на Адел во Лас Вегас.

На видео од концертот кој се одржа во саботата (26.10), се гледа и мигот кога Адел ја здогледува Селин во публиката.

Додека пее, Адел ја забележува Селин во првиот ред и веднаш почнува да плаче.

Тргнува кон неа и ја прегрнува, па и Селин почна да плаче.

Во емотивното видео, Селин ѝ го допира лицето на Адел и ѝ кажува нешто, пред таа да се врати на сцената бришејќи ги солзите од очите.

Видеото од мигот е споделено на Твитер, каде што бројни корисници коментираат дека и тие се расплакале.

„Пуштив солзи“.

„Еве како треба да ѝ покажеш почит и благодарност на личноста која ти го поплочила патот до успехот“.

„Две кралици!“

„Се гледа дека љубовта меѓу нив е искрена“.

Погледнте го видеото:

Добро познат факт е дека Адел е огромен фан на Селин Дион.

Таа дури има откриено дека дома чува мастика што ја џвакала Селин.

„Џејмс Корден, кој ми е пријател и ја снима емисијата Carpool Karaoke, знаеше колку ја сакам Селин. 

Па, кога му гостуваше во емисијата, ѝ рече да ми ја даде мастиката што ја џвака и таа ми ја врами“.

Претходно, во 2018-та, Адел беше на концерт на Селин, исто така во Лас Вегас.

Тогаш Селин изјави дека е почестена што во публиката има ѕвезда како Адел.

Спирова С. | Црнобело