Колку се променија актерите од серијата Lost, 20 години по премиерата?

Детали

сабота, 26 октомври 2024

Освен Еванџелин Лили, повеќето актери од серијата Lost немаат завидна актерска кариера. Како изгледаат денес актерите кои ги глумеа главните ликови?

Своевремено, Lost беше една од најпопуларните серии во светот, вклучувајќи и кај нас.

Со бројни пресврти и уште повеќе мистерии, сите ја сакавме серијата бидејќи никогаш не знаевме што можеме да очекуваме од новата епизода.

Иако финалето на серијата до денес го дели мислењето на јавноста, останува фактот дека Lost е серија што до денес има верни фанови.

Поминаа 20 години од премиерата на серијата, а во продолжение погледнете како изгледаат и што прават актерите денес:

Метју Фокс

Метју го глумеше едниот од главните ликови во серијата – доктор Џек Шепард.

По Lost, тој се појави во неколку филмови и серии, како World War Z каде што глуми покрај Бред Пит.

Од 1992 година е во брак со сопругата Маргерита, а заедно имаат две деца.

Еванџелин Лили

Еванџелин ја глуми Кејт Остен, уште еден од главните ликови во Lost, а за изведбата доби и неколку награди, вклучувајќи и Златен глобус.

Еванџелин има доста поуспешна кариера од колегата Метју и се има појавено во филмови како The Hobbit и Avengers.

Не е во брак, но од 2010 година е во врска со актерот Норман Кали со кого има и две деца.

Џош Холовеј

Џош Холовеј го глумеше Соер – еден од главните ликови, но и негативци во серијата.

По Lost, тој се појави во неколку филмови и серии како Mission: Impossible – Ghost Protocol и Yellowstone.

Во среќен брак е од 2004 година, а со сопругата Јесика имаат две деца.

Хорхе Гарсија

Хорхе го глуми Хуго – забавниот лик кој нè освои уште во првата епизода.

По успехот со Lost, немал некои големи улоги, единствено можеби во серијата How I Met Your Mother.

Актерот се држи настрана од јавност, но познато е дека во 2019-та стапи во брак.

Навин Ендрус

Навин беше номиниран и за Златен глобус, и за Еми награда за улогата на Саид.

Како повеќето од серијата, ни тој нема многу завидна актерска кариера, но има добивано улоги во помали филмови.

Актерот отворено зборува за своето проблематично минато, вклучувајќи ја и неговата зависност од хероин.

Денес вели дека е ослободен од пороците, а дека во слободно време најмногу сака да свири гитара и да танцува.

Тери О-Квин

Тери го глуми мистериозниот Џон Лок.

По серијата има добивано улоги во помали филмови и серии, како Unsung Hero и Resident Alien.

Во 2010 година стави крај на 30-годишниот брак со бившата Лори, со која доби две деца.

Спирова С. | Црнобело