Рита Ора се расплака на сцена, Зејн Малик со емотивна објава – Ѕвездите се збогуваат од Лиам Пејн
- Детали
- петок, 18 октомври 2024
Рита Ора се расплака на сцена додека пееше песна што ја издадоа со Лиам Пејн, додека Зејн Малик се присети на миговите кога како тинејџер, барал утеха кај него.
По трагичната несреќа, познатите личности се збогуваат со Лиам Пејн и му оддаваат почит.
31-годишниот пејач загина по пад од хотелски балкон во Аргентина, а непосредно пред смртта, наводно бил под дејство на дрога и/или алкохол.
Низ годините, тој беше отворен за проблемите со зависност, но лани тврдеше дека се ослободил од пороците. Па, неговата смрт беше шок и за фановите, но и за ѕвездите со коишто соработуваше.
Колегите од One Direction – Луи, Зејн, Најл и Хари – споделија заедничка објава на Инстаграм профилот на групата.
„Скршени сме од вестите за смртта на Лиам. Со текот на времето, кога сите ќе бидеме способни, ќе имаме да кажеме повеќе.
Но засега, ќе одвоиме време да тагуваме и да се справиме со загубата на нашиот брат, кого многу го сакавме. Спомените што ги споделивме со него ќе ги цениме засекогаш.
Засега, нашите мисли се со неговото семејство, неговите пријатели и фановите кои го сакаа покрај нас. Многу ќе ни недостасува. Те сакаме Лиам“, пишува на објавата.
Потоа, некогашните членови на One Direction споделија и посебни објави на нивните профили.
Хари Стајлс објави фотографија од Лиам на сцена пред бројна публика.
„Скршен сум од смртта на Лиам. Најрадосен беше кога ги правеше другите среќни и ми беше чест да бидам покрај него додека го правеше тоа.
Лиам беше отворена личност, имаше енергија која беше заразна. Беше топла личност, полна со љубов.
Годините што ги поминавме заедно секогаш ќе бидат меѓу најценетите години од мојот живот. Секогаш ќе ми недостасува мојот прекрасен пријател“, пишува во објавата.
Продолжува на следната страница...
Би можело да ве интересира:
Препорачуваме
Најчитани неделава
