Посинокот на Барбара Стрејсенд живее во сиромаштија: Спие во евтин мотел, бара храна по корпи за ѓубре (фото)

Детали

недела, 29 септември 2024

Сопругот на Барбара Стрејсенд има син бездомник, а според пејачката, тој ја одбивал нивната помош. Моментално синот престојува во евтин модел, а низ годините е фотографиран и како бара храна од корпи за ѓубре.

Пејачката Барбара Стрејсенд и нејзиниот сопруг Џејмс Бролин живеат раскошно, во вила на Малибу.

Но, и покрај тоа што заедно имаат над 500 милиони долари, синот на Џејмс Бролин живее во сиромаштија и моментално престојува во евтин мотел.

Барбара Стрејсенд со сопругот и неговите синови во 1990-тите

Џејмс Бролин го доби синот Џес со првата сопруга – Џејн – која трагично загина во 1995 година, во автомобилска несреќа.

52-годишниот Џес неодамна беше забележан во близина на мотел во околината на Калифорнија.

Џес има проблеми со прекумерна тежина, а на фотките носеше излитени панталони и маица, како и патики, а на едната нога имаше завој.

На некои фотки се гледа и дека има кожни проблеми.

Според извори на Daily Mail, Џес неколку месеци престојува во мотелот познат како Topa Vista, а планирал да остане таму уште некој период.

Иако живее скромно, пред некоја година состојбата на Џес беше уште полоша.

Во 2011 година, тој живееше во комбе, откако останал без парите што ги наследил од мајка му.

Откако комбето почна да се распаѓа, Џес спиеше на улица, а неколкупати беше фотографиран како бара храна по корпи за ѓубре.

Кога се појавија фотките со контејнерот, неговата маќеа – Барбара Стрејсенд – тврдеше дека се обидувале да му помогнат, но тој одбивал.

„Му имаме понудено помош и ќе продолжиме да се обидуваме.

Многу го сакаме и му го посакуваме најдоброто“, изјави тогаш нејзиниот портпарол.

Пред да стане бездомник, Џес се проба како актер и се појави во неколку филмови.

Но, според изворите, состојбата со менталното здравје му се влошила по смртта на мајка му која никако не можел да ја преболи.

Детските години, Џес ги помина во домот на татко му, но не е познато кога почнале неговите проблеми.

Тој има и брат, Џош, кој вели дека иако биле богати, со Џес биле запоставени од татко им.

Џес со татко му Џејмс Бролин

Татко им, пак, понекогаш споделува Инстаграм објави на кои го спомнува и синот бездомник.

Во една објава, тој вели дека е горд на сите негови деца, вклучувајќи го и Џес.

Спирова С. | Црнобело