„Татко ми ми ги земаше сите пари, ме удираше и ми забрануваше да спијам“: Тажното детство на Меколи Калкин
- Детали
- четврток, 06 јуни 2024
„Ми велеше ’Ако не глумиш добро, ќе те удрам‘. Татко ми беше насилен – и психички и физички. Можам да ви ги покажам и лузните“, има изјавено Меколи Калкин за односот со татко му. Неодамна, актерот се присети на овој период од животот со емотивна објава по повод Денот на таткото.
Многу години откако стави крај на актерската кариера, Меколи Калкин сепак е еден од најпрепознатливите холивудски актери.
Покрај улогите во неколку семејни филмови, најголема популарност стекна со филмовите „Сам дома“ (Home Alone) кои веќе станаа култни и за многумина се задолжителни во периодот околу Божиќ и Нова година.
Но, огромната популарност од рана возраст му донела и безброј проблеми на Меколи Калкин.
Многуте пари што ги заработувал донекаде биле причина за тој да прекине секаков контакт со неговиот татко уште пред да стане полнолетен.
А, татко му му вршел вистинска тортура на тогаш малиот актер, но и на неговата мајка.
Калкин самиот откри дека татко му бил насилен. Денес тој избегнува да се фокусира на минатото, но сега, во емотивна Инстаграм објава, суптилно го спомна тешкиот период со татко му.
По повод Денот на таткото, актерот откри дека добил подарок од филмското студио Lucasfilm.
Тој сподели фотка од подарокот, а во описот пишува:
„Ако знаете барем малку за мене, тогаш знаете дека во минатото имав комплициран однос со Денот на таткото.
Но, откако самиот станав татко, решив да променам нешто… Пробувам да го претворам денот во прослава за моите деца, а не за мене. Сепак, тие се оние кои ме прават татко.
Во нашиот дом, Денот на таткото не се слави како Божиќ, туку го гледаме како не многу важен празник, како Денот на вљубените.
Но, пробувам да правам забавни работи со моите деца на овој ден…
Денот на таткото не е за мене, туку е за луѓето кои прават да се чувствувам дека сум татко“.
Што точно се случило со актерот и татко му и во каков однос се денес?
Кога Меколи почнал да се прославува, татко му Кит Калкин си дал отказ од тогашното работно место и станал менаџер на малиот актер.
На почетокот нештата биле добри и на актерот му било потребно водството од возрасна личност додека се справувал со светска слава.
Но, набрзо татко му почнал да му забранува многу работи, дури и неопходни нешта, како кревет за спиење.
Актерот има изјавено дека го терал да спие на каучот, а многупати и го присилувал да останува буден цела ноќ за да ги вежба дијалозите за снимање.
„Мислам дека на тој начин сакаше да ми го скрши духот.
Сакаше да ми стане јасно дека тој е главен и дека ако тој не ми дозволува да спијам, тогаш нема да спијам“, има изјавено Калкин.
Продолжува на следната страница...
Би можело да ве интересира:
Препорачуваме
Најчитани неделава
