Како звучи Хакуна Матата 30 години подоцна, испеана од актерите од The Lion King?

Детали

четврток, 30 мај 2024

По повод 30-годишнината од премиерата на The Lion King, во Лос Анџелес се одржа концерт на кој актерите кои ги позајмуваа гласовите на Тимон и Пумба ја испеаја Hakuna Matata. На сцената се качи и Норт Вест, чиј настап беше остро критикуван.

Годинава се одбележуваат 30 години од премиерата на култниот цртан филм на Дизни – The Lion King (Кралот лав).

По тој повод, на 25-ти мај, во Лос Анџелес се одржа концерт на кој беа изведени најголемите хитови од цртаниот филм.

Притоа, на сцената се качија дел од актерите кои пред 30 години ги позајмуваа гласовите на ликовите и ги испеаја популарните песни.

Па така, актерите кои ги позајмуваа гласовите на омилените Тимон и Пумба ја испеаја Hakuna Matata.

Во еден миг, на сцената до нив застана и актерот кој го позајмува гласот на Симба.

Во коментарите на видеата од концертот, особено за изведбата на Hakuna Matata, многумина велат дека на миг биле вртени во детството.

„Hakuna Matata е песна која ме натера да верувам дека може да постои мир во светот‘.

„За децата кои пораснаа во 90-тите – Hakuna Matata беше целото наше детство“.

„Оние кои имале можност да го гледаат концертот во живо се многу среќни“.

Но, еден момент од концертот наиде на бројни критики – настапот на Норт Вест, ќерката на Ким Кардашијан и Канје Вест.

Со жолти панталони и блузон со капа која наликува на грива на лав, Норт ја испеа I Just Can’t Wait to be King.

За многумина, проблемот не е што Ким и Канје ѝ фатиле врски за да настапува на концертот, туку им пречи тоа што изведбата на Норт е далеку од добра.

А, она што ги зачуди сите се овациите што ги доби откако ја испеа песната.

Бројни твитерџии и инстаграмџии ги критикуваат организаторите бидејќи наместо Норт, можеле да му дадат шанса на талентирано дете кое нема врски во Холивуд како таа.

„Непотизмот е дефинитивно најубавото нешто што може да ти се случи“.

„Некој кој е поталентиран за пеење и танцување не ја добил улогата во концертот бидејќи неговото семејство не е познато“.

„Норт изгледа одлично и јасно е дека се забавува, но не можам да го избегнам фактот дека таа не би била на оваа сцена ако нејзините родители не беа Ким и Канје“.

„Се чувствувам лошо за децата кои се талентирани и би имале многу подобра изведба“.

Погледнете го настапот на Норт:

Норт застана рамо до рамо со актерите не само од оригиналниот Lion King, туку и со актерите од филмот од 2019-та, како и театарската претстава на Бродвеј.

Кога ќе се земе предвид талентот на сите на сцената, многумина се прашуваат дали Норт воопшто отишла на некаква аудиција за концертот, но засега нема информации за тоа.

На видеото во продолжение можете да погледнете дел од концертот:

Спирова С. | Црнобело