Најромантичниот момент на Канскиот филмски фестивал: Ричард Гир не престанува да ја бакнува 33 години помладата сопруга

Детали

недела, 19 мај 2024

На премиерата на неговиот нов филм на Канскиот филмски фестивал, Ричард Гир (74) и сопругата Алехандра (41) постојано разменуваа нежности и не ги тргаа насмевките од лице.

На овогодишното издание на Канскиот филмски фестивал, премиерно беше прикажан новиот филм на Ричард Гир – Oh, Canada.

74-годишниот актер присуствуваше на премиерата со сопруга Алехандра Силва.

Актерот не ги тргаше рацете од неговата 41-годишна сопруга и покажа дека по шест години брак, тие уште важат за еден од најсреќните парови во Холивуд.

Додека позираа на црвениот тепих, актерот постојано ја бакнуваше Алехандра, а таа не ја тргаше насмевката од лицето.

Ричард и Алехандра се запознале во 2014 година, и тоа во период кога и двајцата минувале низ развод.

Според Алехандра, веднаш се поврзале.

„Се запознавме преку заеднички пријател и кога се погледнавме, почувствуваме сила поврзаност.

Цела вечер не престанавме да се гледаме и оттогаш не сме биле разделени.

Секако, имав сомнежи на почетокот. Но, набрзо сфатив дека ни е судено да бидеме заедно“.

Тие се венчаа во 2018 година, а Алехандра вели дека Ричард ѝ го приредил најромантичното запросување:

„Запросувањето беше навистина приватен момент, само за нас двајцата.

Но, можам да ви кажам дека ме побара за жена во најромантичниот хотел што сум го видела, на југот на Франција, и тоа на мојот роденден.

Тој е најскромниот, најчувствителниот и најдарежливиот маж што сум го сретнала“.

Ни Ричард не штеди на комплименти кога зборува за сопругата:

„Јас сум најсреќниот маж во универзумот. И, како да не бидам?

Во брак сум со убава жена која е паметна, чувствителна, сака да им помага на другите, забавна е, знае да простува и е одлична готвачка!“

Спирова С. | Црнобело