Се декларира како небинарен род, сестра му му го бира стајлингот – Кој е Немо, победникот на Евровизија 2024?

Детали

понеделник, 13 мај 2024

Кое е момчето со краткото здолниште и долгите нокти кое победи на Евровизија 2024? Станал славен преку ноќ, а првиот џепарлак го заработил како уличен музичар. Што знаеме за Немо?

Во саботата (11.05) се одржа финалето на Евровизија 2024, а за многумина очекувана беше победата на Швајцарецот Немо (24), кој по 36 години повторно ѝ ја донесе победата на својата земја.

Момчето кое настапи со кратко здолниште (со шорцови под него), долги нокти и розова бунда можеби не им се допадна на многумина, но факт е дека неговата песна успеа да освои убедливо најмногу гласови од националните жирија, но и од публиката, и со тоа да стане победник.

Што знаеме за Немо? Кое е момчето што годинава успеа да го земе (и да го скрши) евровизискиот трофеј?

Немо Метлер е роден во 1999-та година во билингвалното гратче Биел/ Биен во Швајцарија, а живее во Берлин од 2021-ва година. Неговото име на латински значи „никој“.

Тој се декларира како небинарен род и во обраќањето кон него преферира да се користи заменката тие.

Немо потекнува од креативно семејство, а неговите родители имале сопствена агенција. Тој и неговата сестра израснале во трикатница каде имале слобода за изразување.

Немо на 3 години научил да свири виолина, а првиот џепарлак го заработил како уличен музичар додека свирел пред вратата на неговиот дом. По ова научил да свири пијано и тапани, а на 9 години почнал да пее опера.

Како тинејџер почнал да се појавува на кастинзи за филмови, а на 13-години почнал да ги компонира првите рап песни.

Продолжува на следната страница...