Едно дете им почина, двајцата беа со џуџест раст: Љубовта на актерот Ворвик Дејвис и сопругата траеше над 30 години

Детали

петок, 19 април 2024

Актерот Ворвик Дејвис и неговата сопруга Саманта беа заедно повеќе од 30 години, сè до нејзината неодамнешна смрт. И двајцата беа со џуџест раст, а поради нарушувањето, едно дете им починало само девет дена откако се родило...

Можеби нема да се сетите кој актер е Ворвик Дејвис само ако го слушнете неговото име, но доколку пораснавте со серијалот Хари Потер, тогаш многу добро го знаете.

Ворвик се прослави со филмскиот серијал каде што глуми неколку улоги, вклучувајќи професор и гоблин.

Своето деби, пак, го има во друг популарен филмски серијал – Star Wars – каде што глуми суштество кое се нарекува Ивок (Ewok).

Актерот има џуџест раст, па често е избор за специфични ликови.

Во својата долга кариера, актерот се појавувал во бројни филмови и серии, а во сите овие години, покрај него беше неговата сопруга Саманта.

Но, за жал, Саманта почина на 17-ти април годинава, на само 53-годишна возраст.

Ворвик ја потврди веста за смртта на сопругата со емотивна изјава за BBC:

„Нејзината смрт остави огромна дупка во нашите животи. Ми недостасуваат нејзините прегратки.

Таа беше личноста на која ѝ се доверував и ми беше најголема поддршка во сè што правев во кариерата.

Таа имаше уникатен карактер, секогаш ја гледаше добрата страна на животот и секогаш се смееше на моите лоши шеги“.

Љубовна приказна на Ворвик и Саманта која траеше повеќе од 30 години:

По улогата во Star Wars, Ворвик ја доби главната улога во филмот Willow, и тоа на само 17 години.

На овој сет ја запознал сопругата Саманта која тогаш имала 16 години.

Веднаш се вљубиле еден во друг и почнале да се гледаат, а по четири години, во 1991-ва, се венчале.

Ворвик Дејвис има редок вид на џуџест раст, познат како Spondyloepiphyseal dysplasia congenita.

Саманта, пак, го имала најчестиот вид на џуџест раст, познат како achondroplasia.

Тие добиле три деца, но едно од нив наследило лоша комбинација од нивните гени, па починало.

Првото дете на Ворвик и Саманта, синот Лојд, починал само осум дена по раѓањето.

„Имавме момче, Лојд, кое ги наследи нашите нарушувања… а тоа е нешто со фатален исход. Нешто што бебе не може да преживее.

Но, Лојд живееше девет дена и беше многу убав“, има изјавено Ворвик.

Продоложува на следната страница...