Како Џони Деп по судењето со Амбер стана најдобар другар со крвавиот принц од Саудиска Арабија?

Детали

четврток, 15 февруари 2024

По јавното судење со Амбер Херд, кралското семејство од Саудиска Арабија стана најголем спонзор на Џони Деп, актерот стана најдобар другар со „крвавиот принц“ а наводно добил седумцифрена сума за да ја промовира преродбата на земјата. Конечно е познато каде „го снема“ Џони откако целиот свет имаше можност да ги дознае бизарните детали од неговиот брак со Амбер.

Во последните неколку месеци, по јавното судење со Амбер Херд, имавме впечаток дека Џони Деп го снема. Тој летово се појави на Канскиот филмски фестивал каде доби 7-минутни овации, а според најновите информации, тој нашол прибежиште на сосема неочекувано место.

Кралското семејство нa Саудиска Арабија инвестира милиони во последниот филм на актерот Jeanne du Barry, а актерот од друга страна стана најдобар другар со принцот Мохамед бин Салман, кој во јавноста е познат како „крвавиот принц“ и кој привлекуваше внимание заради наводната врска со Линдзи Лохан.

Она што им е заедничко на Деп и на принцот е тоа што и двајцата во минатото беа на удар на критики и беа обвинети за насилство, а и двајцата тврдат дека не се виновни.

На Џони Деп му беа потребни неколку години и јавно судење за клевета за да успее да си го поправи имиџот, а саудискиот принц во 2018-та година се најде на удар во јавноста откако новинарот Џамал Касоги на Washington Post беше убиен и искасапен од оперативци на Саудиска Арабија, а тој одби да ги казни виновниците, по што го доби прекарот „крвавиот принц“.

Според пишувањата на Vanity Fair, Џони Деп во јули 2022-ра година се запознал со принцот, откако почнал да работи на филмот за кој саудиското кралско семејство инвестираше милиони.

Додека бил на снимање, еден од присутните му рекол дека братучедот на принцот Мохамед, принцот Бадр бин Фархан Ал Сауд, сакал да го запознае, на што актерот одговорил:

„Нема шанси, не сум обврзан да се дружам со нив“.

Но, со оглед на тоа што тие инвестираа милиони во неговите филмови актерот сепак ја прифатил средбата, по што започнало пријателството помеѓу него и принцот.

Во 2023-та година, додека многумина се прашуваа што се случува со Џони по јавното судење, тој околу 7 недели бил во Саудиска Арабија, каде имал можност да престојува во кралските палати, да патува со јахти и хеликоптери, а во мај дури имал можност да се врати во Лондон со приватниот хеликоптер на принцот.

Освен што се во добри пријателски односи, се верува дека Џони Деп потпишал договор со принцот за да ја промовира културата на Саудиска Арабија и ренесансата што во моментов се случува таму.

„Признавам дека на почетокот бев по малку наивен за тоа што се случува во регионот, но имав можност да ја искусам од прва рака културната револуција што се случува овде – од нови раскажувачи кои имаат нови и свежи идеи и уметнички дела, до неверојатна филмска инфраструктура и огромна желба за иновација“ – изјави Џони.

Според извори блиски до актерот, патувањата во Саудиска Арабија се одлични за актерот, за кој е познато дека со години имаше проблеми со пороците, затоа што таму се забранети алкохолот и опојните супстанци.

Прочитајте и Во брак е со прва братучетка, гласини дека Линдзи Лохан му е љубовница - Кој е „крвавиот“ принц на Саудиска Арабија „тежок“ 13 милијарди фунти?

Б. С. Б. | Црнобело