Познати светски ѕвезди чии родители им го уништиле детството

Џуди Гарланд

Џуди Гарланд е мултиталентирана изведувачка која воодушевуваше на сцените, зад микрофоните и пред камерите.

Но, Гарланд водела многу проблематичен и трагичен живот. Нејзината мајка многу се залагала за нејзината кариера и работела како нејзин менаџер.

Според изјавите на Гарланд, мајка ѝ одлучила дека мора да биде ѕвезда. Таа се соочуваше со големи проблеми со менталното здравје и почина на само 47 години од предозирање.

Арон Картер

Backstreet Boys го направија своето познато деби во 1996 година, а еден од петте познати членови беше Ник Картер.

Успехот на овој бенд му помогна на помладиот брат на Картер, Арон, да влезе во шоубизнисот и тој да стане популарен.

Но, според Картер, неговите родители често го искористувале за пари, а добивал само мал дел од својата заработка.

Картер претрпе и многу проблеми во зрелите години, пред да се удави на 34-годишна возраст.

Ариел Винтер

Ариел Винтер стана познато име играјќи во популарната ТВ комедија „Modern Family“. Серијата дебитираше во септември 2009 година, кога Винтер имаше само 11 години.

За жал, нејзиното време во шоуто беше прекинато со битката за семејно старателство, бидејќи нејзината сестра Шанел се бореше да го преземе старателството над неа, од нивната мајка Крисула.

Шанел тврдеше дека Крисула била и психички и физички насилна кон нив. На крај, Шанел ја доби правната битка и ѝ беше доделено старателството над Ариел.

Џенет Макурди

Во 2022 година, Џенет Макурди објави мемоари со наслов „I’m Glad My Mom Died“ („Мило ми е што почина мајка ми“).

Книгата доби пофалби во однос на нејзината сурова ранливост и емотивна моќ.

Џенет беше искрена за физичкото и емоционалното малтретирање што го претрпела од рацете на нејзината мајка и тврди дека била под постојан стрес поради нејзиното непредвидливо однесување.

Џенет открива и дека била финансиски манипулирана и дека развила нарушување во исхраната кога нејзината мајка почнала да го контролира нејзиниот режим.

Меколи Калкин

Меколи Калкин беше еден од најпопуларните деца-актери во историјата на Холивуд и првиот што ја премина границата од милион долари.

Но, и покрај славата и богатството, раниот живот на Калкин не бил лесен. Со него управувал неговиот татко, Кит.

Калкин има изјавено дека татко му бил љубоморен на неговиот успех и дека бил и физички и психички насилен кон него.

Калкин исто така ги одведе своите родители на суд кога беше тинејџер, за да ги спречи да управуваат со неговата заработка од повеќе милиони долари.

М. Ѓ | Црнобело