„На децата во лето треба да им е здодевно, за да сакаат да учат“ – Какви родители се Ева Мендез и Рајан Гослинг?

На децата треба да им е здодевно

Во едно интервју Ева ја збуни публиката кога рече дека на нејзините деца сака да им биде здодевно во текот на летото.

„Летата што ги сакав како дете и на коишто се сеќавам се оние кога не правев ништо, нели?

Пораснав во Лос Анџелес, па постојано ни беше здодевно, па топлото време и здодевноста те тераат да сакаш да се вратиш во училиште“ – рече таа.

Не објавуваат фотографии од децата на социјалните медиуми

Ева во една пригода откри зошто не сака да објавува фотографии од ќерките на социјалните мрежи, а нејзината изјава беше поздравена од многумина.

„Отсекогаш имав јасни граници кога станува збор за мојот маж и за моите деца. Ќе зборувам за нив секако, во одредена мера, но нема да објавам нивни фотки.

Моите деца се сѐ уште многу мали и не знаат што значи нивната фотка да биде објавена и не можам да имам нивна согласност. И нема да ја објавам нивната фотографија сѐ додека тие не бидат доволно возрасни за да може да се согласат со тоа“ – рече Ева.

Не сакаат да го променат карактерот на своите деца

Ева рече дека нејзините деца имаат свој карактер и дека е прекрасно да ги гледа како растат во млади жени.

„Се чувствувам дека само треба да им се тргнам од патот. Да ги заштитам, но да им дозволам да бидат што сакаат. Се трудам да не им го наметнувам своето мислење, што е она што тие треба да го сакаат“ – рече таа.

Прочитајте и Ева Мендез ја жртвуваше кариерата за да му се посвети на семејството – што знаеме за нeјзината врска со Рајан Гослинг?

 Б. С. Б. | Црнобело