Ќерката на Џони Деп уловена како се бакнува со девојката – Што мисли татко ѝ за нејзината избраничка? (фото)

Детали

понеделник, 31 јули 2023

По скандалозните сцени во ТВ серијата The Idol, ќерката на Џони Деп е фотографирана за време на интимниот ручек со нејзината девојка, каде се бакнуваа и разменуваа нежности. Што мисли татко ѝ, Џони, за изборот на партнерка на Лили Роуз?

Ќерката на Џони Деп, Лили Роуз Деп (24) беше фотографирана од папараци фотографите додека беше на ручек со нејзината девојка Дани Мун, позната како раперка со прекар 070 Shake.

Актерката Лили Роуз Деп која предизвика подвоени реакции заради нејзината улога во ТВ серијата „The Idol“ која што изобилува со експлицитни секс сцени, беше уловена како оди на ручек со девојката во кратки пантолони и светло сина маица.

Двете девојки, кои ја започнаа врската во јануари годинава, беа фатени за рака додека одеа на ручек во саботата (29.07).

На папараци фотографиите се гледа како двете девојки се прегрнуваат и се бакнуваат додека се на ручек.

Откако беше објавено дека актерката е во врска со раперката Дани Мун, позната како 070shake, Dailymail повикувајќи се на сопствени извори пишува дека на татко ѝ, Џони на кому не му се допаѓале голем број од нејзините претходни дечковци, во моментов му се допаѓа нејзината партнерка.

„Лили верува дека е вљубена и не постои нешто друго што Џони повеќе го посакува од тоа ќерка му да биде среќна и сакана од некој што навистина ја заслужува.

Според него, супер е тоа што ќерка му е во врска со музичарка, затоа што и тој самиот е музичар“ – велат добро упатените извори.

Лили Роуз во една пригода рече дека раперката е „љубовта на нејзиниот живот“.

Прочитајте и Се бори со анорексија, во лоши односи е со Амбер Херд – што знаеме за ќерката на Џони Деп?

Б. С. Б. | Црнобело