Познати личности кои не водат грижа за личната хигиена

Детали

недела, 21 мај 2023

Мајли Сајрус самата изјави дека за време на локдаунот поради пандемијата, во период од четири месеци, само двапати си ја измила косата. Кои други ѕвезди имаат чудни (не)хигиенски навики?

Само затоа што познатите изгледаат беспрекорно на црвениот тепих, не значи дека се такви во реалноста.

Всушност, се чини дека многу актери и музичари ги немаат ни најосновните навики за лична хигиена.

Познати личности и нивните чудни (не)хигиенски навики:

Камерон Диаз

Камерон Диаз не сака да користи антиперспиранти бидејќи верува дека се штетни по здравјето.

Самата има изјавено дека не употребила антиперспирант повеќе од 20 години.

Џејк Гиленхал

Познатиот актер смета дека немаме никаква корист од честото бањање и дека нашето тело се чисти самото.

Па, тој се бања многу ретко.

Ума Турман

Кога не е на црвениот тепих, Ума Турман честопати изгледала неуредно.

Според стилист кој работел со неа, актерката воопшто не водела грижа за хигиената:

„Работев со неа. Честопати доаѓаше со облека извалкана со храна. Еднаш ѝ најдов храна залепена на грбот што сигурно беше две недели стара“.

Гвинет Палтроу

Гвинет Палтроу веќе е позната по чудните третмани за убавина и подмладување и користењето бизарни продукти.

Но, веројатно чудните продукти не секогаш се ефикасни – наводно, актерката мирисала многу лошо, дури и на настани како Мет галата.

„Мислам дека самата не беше свесна, но видов барем двајца кои си го покрија носот кога минуваа покрај неа“, тврди извор кој присуствувал на свеченоста пред неколку години.

Леонардо ди Каприо

Актерот е познат активист за заштита на природата, а оттаму потекнуваат неговите чудни хигиенски навики.

Покрај тоа што се тушира ретко, актерот има изјавено дека не користи дезодоранси и антиперспиранти.

Орландо Блум

Според Миранда Кер, поранешната сопруга на актерот, тој ја носел истата облека со недели – не само фармерките и блузата, туку и чорапите.

Актерот имал и навика насекаде да го остава искористениот конец за заби.

Мајли Сајрус

Мајли Сајрус самата изјави дека за време на локдаунот поради пандемијата, во период од четири месеци, само двапати си ја измила косата.

Погледнете и: Славни личности за чија лоша хигиена се пожалиле и нивните колеги

Спирова С. | Црнобело