Ѕирнавме во домот на Огнен Атанасовски, продуцент и локален мајстор за пастрмајлии: автентично, полно со приказни, спокојно место за живеење

Детали

среда, 13 ноември 2024

„Отсекогаш сум сакал да имам куќа на планина, мотор за да стигнам до неа, сопствено музичко студио во неа и да имам приватен пат“ ‒ ова се зборовите со кои нè пречека Огнен Атанасовски, македонски продуцент и автор на голем број дела за театар и филм, и контрабасист во Националната опера и балет.

„Освен приватниот пат, повеќето нешта ми се исполнија“, додава тој низ смеа.

Сите детали и елементи во неговата куќа, која навистина наликува на планинска куќа, имаат значење и некаков спомен, без оглед на тоа дали станува збор за ритуална маска од Бразил или за фотографија – подарок од негов пријател фотограф.

„Мене омилени ми се растенијата“, вели Огнен за деталите во својот дом поддржан со станбениот кредит на Халкбанк.

За своето студио, каде што го поминува поголемиот дел од денот и каде што компонира музика за реклами, филмови, претстави, микса, продуцира... вели дека е неговото омилено место. „Музиката е мојот живот“, додава Огнен и продолжува да ја објаснува историјата за секој инструмент во студиото, вклучувајќи го и ситарот.

Целото видео во кое Огнен зборува за деталите во неговата куќа од соништата погледнете го тука.

Повеќе информации за станбениот кредит на Халкбанк може да најдете на следниот линк или, пак, преку контакт со банката и нејзините филијали.