Валери од Скопје блесна во Ѕвездите на Гранд - открива детали од соработката со менторот Ѓорѓе Давид за CRNOBELO.com
„Како свој ментор го избрав Ѓорѓе Давид. Секаде имам кажано и ќе повторам - не можев да направам подобар избор, пробите ги правиме во Белград, тој е секогаш присутен тука за нас и прави сè што е во негова можност за сите кандидати“, вели Валери Димовска (24) за CRNOBELO.com.
Нашата Валери Димовска (24) со својот настап на Ѕвездите на Гранд остави силен впечаток, особено со изведбата на „Хајде онда ништа“ на Тијана Богичевиќ.
Прв глас уште на самиот почеток доби од Ѓорѓе Давид, па потоа токму него и го избра за својот ментор.
Од кога се занимава со музика, но и каков е за соработка нејзиниот ментор, таа открива за CRNOBELO.com:
„Со музика се занимавам од многу мала, но професионално од мојата 11-та година.
Омилена пејачка ми е Елена Ристеска. Се заљубив во креирање музика, пеење, имам издадено 11 песни досега и спремам и некои нови за скоро.
Имам настапувано на Евровизија со Ај Кју, како придружен вокал, тоа беше незаборавно искуство. Исто така имам пеено како придружен вокал на повеќето балкански артисти како Јелена Томашевиќ, Емина Јаховиќ, Хари Мата Хари, Александра Радовиќ и низа други.
Пред извесен период се пријавив на познатото шоу „Ѕвездите на Гранд“, а повеќето луѓе околу мене беа изненадени од таа одлука.
Ми недостигаше некоја нова авантура во мојот живот, па затоа одлучив да се пријавам, сметам дека е доста гледано и популарно шоу и дека ќе ми придонесе во мојата кариера.
Како свој ментор го избрав Ѓорѓе Давид. Секаде имам кажано и ќе повторам - не можев да направам подобар избор, пробите ги правиме во Белград, тој е секогаш присутен тука за нас и прави сè што е во негова можност за сите кандидати, нè бодри и верува во нас, не дозволува да се разочараме, се труди максимално да се појавиме во најдобро светло и ни помага околу изборот на песни.“
Настапот на Валери:
https://www.instagram.com/p/CWvEoNpAYZ1/
Повеќе фотки од неа:
https://www.instagram.com/p/CTfrZq1Mfvd/
https://www.instagram.com/p/CO-Qw-2Lw-6/
https://www.instagram.com/p/COYQmQaLxoB/
https://www.instagram.com/p/CODidCWrg8e/
https://www.instagram.com/p/CHBJ0UsLkYo/
https://www.instagram.com/p/CFE96QQsI-L/
https://www.instagram.com/p/B0YOYQInPl9/
С. С. | Црнобело
Би можело да ве интересира:
Препорачуваме
Најчитани неделава
