Ја напиша Горан Бреговиќ, ја отсвири нашиот Влатко Стефановски - Култната „Успаванка за Радмилу М.“

„Успаванка за Радмилу М“ е шестиот албум на култните Бијело Дугме издаден во 1983 година. Ова воедно е и последниот албум којшто е издаден со вокалистот Жељко Бебек. Горан Бреговиќ планирал ова да биде последниот албум на групата со кој ќе се збогува од публиката. Малкумина знаат дека албумот е снимен во Скопје, продуциран од страна на Бреговиќ и Гајо Вучиќевиќ. Влатко Стефановски свирел гитара, додека Благоје Моротов бас гитара.

Истоимената песна како и албумот го краси како последна, деветта мелодија. Ова воедно е и единствената инструментална песна на култната група.

„Успаванка за Радмилу М“ не би звучела онака без нашиот Влатко Стефановски кој, на големо задоволство на публиката, ја вметна во репертоарот на последните неколку концерти.

Антологиската песна која безмалку е стара 40 години, за која и самиот Бреговиќ признава дека не би била она што е без магичните прсти на Стефановски, со причина е една од најубавите инструментални балкански песни:

(О)Милена | Црнобело