„Со тебе најдов среќа“ - Досега необјавена песна на Влатко Илиевски, музичарот кој прерано го загубивме (видео)

По иницијатива на таткото на Влатко Илиевски, Драган Илиевски – Вршац, беше промовирана досега необјавена песна, „Со тебе најдов среќа“, во изведба на нашиот рокер со нежна душа, кој прерано замина. 

Влатко Илиевски почина на 6-ти јули 2018-та, на само 33-годишна возраст и остави многу луѓе зад себе, скршени од болка.

Неговиот татко, Драган Илиевски – Вршац, најави дека се подготвува албум со песни кои ги отпеал Влатко, но досега не биле објавени, со цел да се зачува во спомен неговото дело и сето она што го работел.

Како најава за тој албум е песната Со тебе најдов среќа, која беше промовирана на 7-ми февруари 2021, а видео записот, монтиран од Дејан Таневски, беше објавен на Фејсбук Фан страната на Влатко.

Слушнете ја досега необјавената песна во изведба на нашиот омилен рокер со нежна душа, како што многумина го нарекуваа:

https://www.facebook.com/181235373120/videos/251610633076605

М. М. | Црнобело