Втора среќа! Васил Гарванлиев е нашиот претставник на Евровизија 2021, откако беше откажана во 2020
Во 2019-та ѝ беше придружен вокал на Тамара Тодевска, во 2020-та беше избран за претставник на Македонија, но заради пандемијата Евровизија беше откажана, а сега повторно е избран за наш претставник во мај 2021 во Ротердам.
За македонски претставник на Евровизија 2020-та беше избран Васил Гарванлиев, а песната за планираниот настап, ја објави на Денот на вљубените во 2020-та - може да ја слушнете ТУКА.
Во видео интервју во редакцијата на CRNOBELO.com, Васил тогаш ни откри интересни детали за тоа како ја одбрал песната, како и за најавата која беше планирана за неговиот настап, но за жал, заради пандемијата Евровизија 2020 беше откажана.
Погледнете: Видео интервју со Васил Гарванлиев: „Ќе имаме најлуда најава на Евровизија, на сцена песната ќе звучи поинаку“
За 2021, Изборот за песна на Евровизија е закажан за 18, 20 и 22 мај, а денес официјално е соопштено дека наш претставник повторно ќе биде Васил Гарванлиев.
Во објавата за неговото учество на Евровизија 2021, на Инстаграм Васил напиша:
Ретко кој добива една, а не три шанси да го реализира својот сон. Во ‘19-та застанав ГОРДО позади нашата Тамара, ‘20-та ја посветив на сите ВАС, но Ковид рече не! Во ‘21-та ја користам мојата животна приказна, за да ви го подарам срцето на дланка преку мојот глас.
До сите сонувачи: верувај, сонувај и не се предавај! Вистината, трудот, енергијата, и чистата љубов СЕКОГАШ победуваат. Сите имаме своја ПриКазна и Патека која е наша СудБина, и време е ова темно и тешко секојдневие да го исполниме со светлина, љубов и чиста енергија.
Огромно благодарам до МРТВ која и понатаму верува во мене и ми ја дава одговорноста и можноста да бидам нашиот, македонски преставник годинава на Евровизија во Ротердам.
Верувам. Ве сакам. Ќе пеам за сите вас ама и вие да запеете со мене!
Со душа чекам да ги споделам со вас нашите планови како македонски тим за Евровизија 2021.
Со нетрпение очекуваме повеќе детали за овогодишната песна и настап на Васил на Евровизија и му посакуваме среќа!
А, дотогаш, потсетете се на статијата од 2020-та: Без грижи – Васил Гарванлиев пее, „растура“ – што треба да знаете за нашиот претставник на Евровизија?
М. М. | Црнобело
Би можело да ве интересира:
Препорачуваме
Најчитани неделава
