Највпечатлив настап на српскиот избор за Евровизија: 6 дрег кралици ги поделија мислењата по влезот во финале

Мислењата за нивниот настап во Србија се поделени, но 6-те дрег кралици (5 мажи и една жена) имаа впечатлив настап на првата полуфинална ноќ и се пласираа во финалето на српскиот избор за песна на Евровизија.

Групата „Harem Girls“ вчера (25.02) на првата полуфинална вечер од српскиот избор за песна на Евровизија имаше еден од највпечатливите настапи и успеаја да се пласираат во финалето на овој натпревар, кое ќе се одржи во петок на 28-ми февруари.

Групата е составена од 6 дрег кралици (drag queens), од кои 5 се мажи и една е жена.

Дрег кралици се личности кои носат екстравагантна женска гардероба и шминка заради перформанс и пародија/карикатурирање на стереотипите за женственост и „вамп жени“. Обично носат претерана шминка и бројни додатоци за да ја постигнат таа цел.

Овој бенд е основан во 2023 година под името „Дрег харем“, идеја инспириранa од султанoт кој има повеќе жени.

Во тоа време во групата имала и дрег крал, но по неговото напуштање на групата, останале само кралици, па така настанало новото име.

Членките на групата велат дека целта им е да шират забава, да настапуваат во клубови и да ја поткренат јавната свест за дрег културата и нивното постоење.

Во Србија мислењата околу нивното појавување на овој натпревар се поделени, па некои јавни личности како фолк пејачката Лепа Лукиќ се огласија дека се против.

Според податоците од Википедија, ова е нивна втора песна, а инспирација пронаоѓаат токму во Евровизија.

Кои други изведувачи од првата полуфинална ноќ се пласираа погледнете ТУКА.

Погледнете го нивниот настап со песната „Аладин“:

С. С. | Црнобело / фото: И. Стошиќ