Евровизија е откажана, но се организира алтернативно шоу – Следете во живо вечерва (видео)

Иако овогодинешниот Избор за песна за Евровизија е откажан заради пандемијата, сепак се организира алтернативно шоу Eurovision: Europe Shine A Light.

Шоуто се емитува вечерва во живо, кога требаше да биде официјалната финална вечер.

Ова шоу нема да биде со натпреварувачки карактер како вообичаено, но ќе имаме можност да ги погледнеме сите учесници кои требаше да бидат дел од Евровизија оваа година, избраните песни ќе се емитуваат во 30 секунди исто како и видео разгледниците кои беа снимени.

Нашиот овогодишен претставник требаше да биде Васил Гарванлиев со песната YOU.

Распространети низ сите делови од Европа, учесниците ќе упатат порака до светот, но и ќе ги запеат стиховите од победничкиот евровизиски хит од 1997-ма - Love Shine A Light, од Katrina And The Waves.

Покрај учесниците што требаше да бидат дел од Евровизија оваа година, ќе имаме можност да ги слушнеме и минатогодишните изведувачи, помеѓу кои ќе биде и Марија Шерифоивиќ со песната „Молитва“.

Евровизиското шоу може да го следите на МРТ во 21 часот или на следниот линк во истото време:

М. М. | Црнобело