Браво! Ана (13) од Битола остава без зборови со својот моќен настап на јуниорскиот San Remo (видео)

„Кон крајот на јануари добивме официјална потврда дека сум примена да настапам на San Remo Junior. Сакавме настапот да биде изненадување, па дека ќе пеам таму знаеја само најблиските. Но, откако го објавивме видеото, добивме многу позитивни реакции и сите се воодушевени“, кажа битолчанката Ана (13) за CRNOBELO.com. 

Ана Ванчевска (13) од Битола е ученичка во осмо одделение во ОУ „Даме Груев“ и е најдобар ученик во својата генерација.

Таа го посетува и Државното музичко училиште во Битола и свири на виолина уште од 6-годишна возраст.

Покрај музиката, Ана е и посветен ученик со многу награди од областа на математиката, физиката, францускиот јазик, а во 2023 година ја доби Гранд при наградата на детски музички фестивал во Ужице, Србија.

Но, како шлаг на нејзината досегашна работа и посветеност на музиката е настапот на интернационалниот музички фестивал San Remo Junior, кој традиционално, по 15. пат се одржа во италијанскиот град Сан Ремо.

Таму Ана имаше моќен настап. Ги воодушеви сите со своето пеење, а во конкуренција меѓу 26 деца, ја испеа песната Voila, со која Барбара Прави ја претставуваше Франција на Евросонг 2021.

За настапот на јуниорското издание на San Remo и за своите впечатоци, Ана раскажа за CRNOBELO.com:

„Фестивалот е наменет за деца од 5 до 15 години, а годинава имаше натпреварувачи од 26 земји ширум светот, вклучувајќи ги Индонезија, Молдавија, Казахстан, Словачка, Малта, Австралија, Америка, Франција и многу други.

Во декември 2023 година имаше јавен повик за пријава за учество на овој престижен интернационален фестивал во Италија, па со семејството решивме да се пријавам.

Јас од 5-годишна возраст настапувам на детскиот музички фестивал Си-До во Битола, па желбата да настапам на голема сцена нè поттикна да испратиме композиција која ја снимивме во студиото на Дарко Шерденков.

Кон крајот на јануари добивме официјална потврда дека сум примена да настапам на фестивалот.

Од тој момент започнаа подготовките за настапот. Започнав со часови кај професорката по соло пеење Марина Коруновска, која со сета своја посветеност, професионалност и љубов успеа да го извади најдоброто од мене.

Продолжува на следната страница...