Слушнете ја новата песна на Калиопи - „Кад осване“
Повеќедецениска кариера исполнета со успех, раскошен вокал и неверојатна харизма е она што ја краси Калиопи. Континуирано ја исполнува својата дискографија со нови песни и на својата публика ѝ дарува музичка магија.
Новата песна „Кад осване“ е на сите дигитални платформи и на официјалниот YouTube канал, а еве што вели Калиопи за нејзината нова песна, и овојпат комплетно авторско дело на нејзиниот долгогодишен соработник Ромео Грилл:
„Песната 'Кад осване' (Кога ќе раздени) никого нема да остави рамнодушен. Тоа е песна која буди од длабок сон, раздвижува и ја враќа надежта за подобри денови!
Кога ја слушнав првпат, бев пресреќна што добив ваква песна! Ромео и овојпат се надмина себеси, а тоа му успева речиси 40 години, колку што веќе соработуваме заедно...
За неполни 5 месеци добив две големи песни! Дуетската 'Знам', со мојот пријател Жељко Самарџиќ, која веќе со молскавична брзина се врежа во срцата на публиката, а сега исто така длабоко верувам дека 'Кад осване' ќе биде песна за која ќе се зборува и која што многу ќе се пее! Имаме нов хит!“
Музиката, текстот, аранжманот и продукцијата ги потпишува Ромео Грил.
Слушнете ја песната во продолжение:
Би можело да ве интересира:
Препорачуваме
Најчитани неделава
