Некогаш и сега – како изгледаат популарните актери поради кои ги засакавме акционите филмови?

Скоро сите холивудски актери имаат совршено мускулесто тело и се одлични во својата работа, но дефинитивно никој нема да може да ги замени Силвестер Сталоне, Џејсон Стејтам или Чак Норис во акционите филмови.

Дури и кога немаат некоја добра приказна, ни добар развој на ликовите, одвреме-навреме сите гледаме акциони филмови.

Додека ги гледаме, нема потреба да се обидуваме да го следиме дејството, туку само уживаме во бројните сцени со бркање и надреални боречки вештини. А, најголема заслуга за ова имаат актерите кои одлично си ја завршуваат работата.

Иако постојат бројни актери кои се прославиле со акциони филмови, само мал дел од нив успеаја да ги освојат срцата на многу генерации.

Погледнете како изгледале порано, а како изгледаат сега дел од овие актери:

Силвестер Сталоне

Дури и оние кои не го знаат името на актерот, можат да го препознаат од легендарните улоги како Роки Балбоа или Рамбо. Силвестер Сталоне стана симбол за акционите филмови, а токму овие улоги го направија светски познат. Денес актерот има 76 години, уште е активен и кога ќе ја земете предвид неговата возраст, изгледа навистина одлично.

Џејсон Стејтам

Во скоро сите филмови Џејсон Стејтам глуми „опасни“ ликови, а неретко сам ги снима и опасните сцени, без помош од каскадер.

55-годишниот актер се има појавено во неколку хит акциони филмови, вклучувајќи ги The Transporter, серијалот Fast & Furious и The Expendables – филм во кој ги здружи силите со Силвестер Сталоне, Џет Ли и други актери од „негов калибар“.

Џеки Чен

Нема личност која не ужива во филмовите со боречки вештини на Џеки Чен. Самиот актер е експерт за боречки вештини и никогаш не користи каскадери.

Дел од неговите најпознати филмови се Rush Hour, Karate Kid и Shanghai Noon. Денес актерот има 68 години, но се чини времето застанало за него.

Арнолд Шварценегер

Пред да се прослави со хит филмот Terminator, Арнолд беше бодибилдер и благодарение на мускулестото тело стана вистинска сензација.

Извесен период тој се повлече од актерска кариера и заплива во политичките води, но одвреме-навреме уште глуми и пред три години ја репризираше улогата во новото продолжение од Terminator. Денес Арнолд има 75 години.

Брус Вилис

Брус Вилис е одличен актер, па покрај акционите филмови, го имаме видено и во посериозни улоги.

Некои од неговите најуспешни филмови се The Fifth Element, Armageddon и, се разбира, Die Hard. Денес има 67 години.

Продолжува на следната страница...