Забавни комедии што ќе ви го подобрат расположението

The Tooth Fairy (2010)

Двејн Џонсон го глуми главниот лик – хокеј играч кој не верува во бајки. Но, наскоро ќе си го промени мислењето. Тој се претвора во „tooth fairy“, самовилата која им остава пари на децата кои го ставиле нивното млечно запче под перница, и има цела листа обврски кои мора да ги заврши.

The 40-Year-Old Virgin (2005)

Енди е 40-годишен маж кој работи во продавница за бела техника и живее сам. Енди има и тајна – и покрај неговата возраст, тој никогаш немал секс.

Кога неговите колеги ќе разберат за ова, си даваат задача да му помогнат на Енди да ја изгуби невиноста.

Tropic Thunder (2008)

Филмот раскажува за група актери кои снимаат воен филм, направен според мемоарите на еден ветеран.

Но, по неочекуван сплет на околности, актерите се заглавени во џунглата и сега се присилени да се претворат во вистински војници за да преживеат,

Anchorman: The Legend of Ron Burgundy (2004)

Дејството на филмот се одвива во 70-тите и раскажува за спикерот Рон, кој е еден од најдобрите во својата област. Овој период, жените ретко се истакнувале како спикери.

Рон работи во телевизија во Сан Диего, а соработува со пријателите од детството. Животот му изгледа совршено, сè додека на тимот не ѝ се придружи Вероника, жена која почнува да добива поголема гледаност од Рон.

Neighbors (2014)

Млад брачен пар, кој има новороденче, дознава дека до нив се вселиле неколку студенти, познати по лудите ноќни забави. Студентите имаат и план за огромна забава за крајот на нивната учебна година. Сега, парот мора да најде начин да се справи со нив.

Спирова С. | Црнобело