Кои филмови треба да ги изгледате пред Оскарите 2020?

 

Marriage Story

Номиниран за: најдобар филм, главна машка улога, главна женска улога, споредна женска улога, оригинално сценарио, оригинална музика.

Запознајте ги Чарли и Никол. Она што започнало како одличен брак исполнет со љубов, среќа и страст се соочува со опасност да се сруши како кула од карти.

 

Judy

Номиниран за: главна женска улога, шминка и фризура.

30 години по филмот „Волшебникот од Оз“, најсаканата американска актерка и пејачка Џуди Гарланд пристигнува во Лондон, бидејќи има серија распродадени настапи во клубот Talk of the Town.

 

Little Women

Номиниран за: најдобар филм, главна женска улога, споредна женска улога, адаптирано сценарио, оригинална музика, костимографија.

Последната адаптирани верзија на романот „Мали жени“ е во режија на Грета Гервиг која им даде малку поинаква, пожива димензија на жените од семејството Марч.

 

Jojo Rabbit

Номиниран за: најдобар филм, споредна женска улога, адаптирано сценарио, костимографија, продукциски дизајн, филмско едитирање.

Џоџо е осамено германско момче кое ќе открие дека неговата самохрана мајка крие еврејско девојче на нивниот таван. Џоџо го има само неговиот невидлив пријател – Адолф Хитлер и мора да се соочи со својот слеп национализам во текот на Втората светска војна.

 

Honeyland

Номиниран за: најдобар странски филм, најдобар документарен филм.

Македонската гордост во режија на Љубомир Стефанов и Тамара Котевска ја отсликува Атиџе, последната жена-одгледувач на диви пчели во Европа, која живее сама со својата мајка во изолираното село Бекирлија.

Топла, тажна, маестрална и пред сè вистинска приказна за суровоста, но и убавината на животот, за великодушноста и себичноста, за она што значи да си едно со природата и да (не) сакаш да ја уништиш…

(О)Милена | Црнобело