Марвел ги откри новите суперхеројски наслови - Кои филмови да ги очекуваме во наредниот период?

Многу од најавите вклучуваат достигнувања планирани за следните две години, така што сите фанови на стрипови и суперхерои можат да очекуваат богат филмски распоред. 

Меѓу другите, тука е филмот за „Black Widow“, „The Eternals“, „Thor 4: Love and Thunder“, „Shang-Chi and Legend of the Ten Rings“, како и „Doctor Strange in the Multiverse of Madness“.

Покрај тоа, ја добивме и првата потврда дека Марвел работи на тоа да ги вклучи Fantastic Four и Х-men во својот филмски универзум.

Прво нѐ очекува филм „Black Widow“, посветен на Наташа Романова, која ја глуми Скарлет Јохансон. Овој филм се случува веднаш по филмот „Captain America: Civil War“, што значи дека се случува пред најновите филмови „Одмаздници“.

„Thor: Love and Thunder“ е четвртиот филм посветен на богот на громот, но овој пат ќе имаме и женска верзија на Тор, односно Џејн Фостер, во интерпретација на Натали Портман.

На задоволство на обожавателите на Том Хидлстон, Локи ќе добие истоимена серија, која пристигнува во пролет, во 2021 година.

Она што го знаеме е дека Џереми Ренер повторно ќе го толкува Клинт Бартон во серијата „Hawkeye“, а ќе го добиеме и првиот поглед на младата Кејт Бишоп.

Од филмовите нè очекува „Doctor Strange in the Multiverse of Madness“, кој, исто така, го потврдува постоењето на мултиверзумот, за кој слушнавме во најновото продолжение на „Spiderman“.

„The Eternals“ ни носи нови ентитети во овој универзум, а меѓу многуте актери се издвојуваат Анџелина Џоли, Салма Хајек и Ричард Маден (познат по улогата на Роб Старк).

„Shang-Chi and the Legend of the Ten Rings“ ќе се обиде да ги прикаже азиските воени вештини на големото платно.

Последното големо изненадување е појавување на двојниот добитник на Оскар, Махершала Али, кој исто така станува дел од семејството на Марвел. Тој ќе го толкува Блејд, вампирот што претходно го толкуваше Весли Снајпс.

Вака изгледа распоредот:

1-ви мај 2020 година: „Black Widow“

Есен 2020 година: „The Falcon and Winter Soldier“

6 ноември 2020 година: „The Eternals“

12 февруари 2021 година: „Shang-Chi and the Legend of the Ten Rings“

7-ми мај 2021 година: „Doctor Strange in the Multiverse of Madness“

Пролет 2021 година: „серија Loki“

Есен 2021 година: „серија Hawkeye“

5-ти ноември 2021 година: „Thor 4: Love and Thunder“

Ашера | Црнобело