Која е Лашана Линч - актерката која изгледа ќе го игра новиот Џејмс Бонд агент?

Франшизата Џејмс Бонд ја менува историјата. Минатиот викенд фановите на познатиот агент беа навистина изненадени кога се откри дека новиот 007 агент ќе го игра Лашана Линч.

Наводно, на почетокот од филмот, Bond 25, имало сцена каде што М вели: „Влези 007“ по што во просторијата влегува Лашана – црна и убава жена. Бонд е сè уште Бонд, но овој пат е заменет со прекрасната Лашана.

Иако од тимот сè уште немаат потврдено ништо, Лашана може да ја промени историјата и да биде првата жена која ја има оваа улога.

Додека да добиеме повеќе информации, погледнете неколку факти што би требало да ги знаете за актерката:

Ја имате видено и претходно

Долго пред да ја добие улогата во Bond 25, Лашана имала неколку филмски и телевизиски улоги.

Покрај појавување во Captain Marvel, 31-годишната актерка се има појавено во Bulletproof, Still Star-Crossed и серијата Crims.

Сериозна посветеност

Пред да ја добие улогата во Captain Marvel, Лашана отишла на аудиција и за Black Panther, како и за Spider-Man: Homecoming.

Иако последниве две аудиции не оделе по план, таа ја добила улогата во Captain Marvel само неколку денови после тест со Бри Ларсон.

Инспирација

За улогата во Captain Marvel, Лашана црпела инспирација од нејзиното искуство – таа била одгледана од самохран родител.

„Мислам дека е навистина посебно да играш самохрана мајка во Marvel Cinematic Universe, и за младите и за постарите генерации кои не го гледаат тоа на екран. И самохраните мајки се суперхерои. Мојот лик успева да го живее својот најдобар живот, и емоционално и физички, и мислам дека креаторите направиле добра рамнотежа за некој кој нема вообичаени супермоќи. Таа има моќ однатре и може да ја искористи и да ѝ ја пренесе на нејзината ќерка Моника.“

Физичка подготвеност

Иако Лашана не го открива нејзиниот план за вежбање, со само еден поглед на нејзиниот Инстаграм профил, ќе забележите дека ова е силна жена, и физички и ментално.

Без разлика дали вежба во теретана или покажува опасни кик-бокс потези, Лашана веќе докажа дека ја заслужува улогата во Bond 25.

https://www.instagram.com/p/BiKrT0LhvhV/

Спирова С. | Црнобело