Филмови кои со нетрпение ги очекуваме оваа есен (III дел)

На есен почнува да се раздвижува изборот на серии и нови филмски остварувања. Како што заладува времето, така сè повеќе сакаме да останеме во добро друштво и да изгледаме добар филм.

Во прилог се уште 10 филмови кои треба се појават во октомври и почетокот на ноември.

21. Alex Cross

Метју Фокс никогаш не изгледал толку, па, апсолутно застрашувачки како во овој крими трилер за еден детектив (Тајлер Пери) кој е во лов на садистички убиец  (да, тоа е Фокс). Големото прашање е дали публиката ќе го прифати Пери во таква улога. Филмот излегува на 19ти октомври.

22. Killing Them Softly

Адаптацијата на романот на Џорџ В Хигинс од 1974та година Cogan’s Trade во главната улога го има Бред Пит како сведок на грабеж кој се одвива за време на покер игра контролирана од страна на мафијата. Филмот е под режисерската палка на режисерот на „The Assassination of Jesse James“  Ендру Доминик со екипа која е составена од Џејмс Гандолфини, Ричард Џенкинс и Реј Лиота. Филмот излегува на 19ти октомври.

23. The Sessions

Тоа е вистинска приказна за Марк О’Брајан (Џон Хокс), поет парализиран од вратот надоле кој најмил секс- сурогат (Хелен Хант) за да ја изгуби својата невиност по добивање на благословот од неговиот свештеник (Вилијам Х Мејси). О’Брајан го потрошил поголемиот дел од неговиот живот дишејќи со помош на железно белодробно крило пред неговата смрт на 49 годишна возраст во 1999та година. Подгответе се да видите како оваа екипа добива многу награди оваа сезона. Филмот излегува на 26ти октомври.

24. Fun Size

Викторија Џастис игра улога на средношколка која мора да го чува нејзиниот помлад брат во истата вечер кога треба да оди на журка за Ноќ на вештерките кај нејзината симпатија. Филмот е режиран од страна на режисерот на Gossip girl - Џош Шварц, а во комедијата глуми и водителката од Е! Челзи Хендлер, Џони Ноксвил и Ана Гастејер. Филмот излегува на 26ти октомври.

25. Cloud Atlas

Базирано на романот на Дејвид Мичел од 2004та година со истото име. Том Хенкс, Хали Бери, Хју Грант и многу други играат повеќе личности во приказна за патување низ времето и интересните животи на луѓе од минатото, сегашноста и иднината. Близнаците Вачовски (Лана и Енди) се ко- писатели и ко- режисери заедно со режисерот на Run Lola Run - Том Тајквер.

26. Chasing Mavericks

Новодојденецот Џони Вестон ја игра улогата на починатата сурф легенда од 80тите и 90тите Џеј Мориарити. Џерард Батлер ослабе и ја пушти долга својата коса за да ја игра улогата на неговиот ментор Фрости Хесон. Филмот излегува на 26ти октомври.

27. The Man With The Iron Fists

Основачот на Ву- Танг Клан Рза го има своето режисерско деби и исто така има улога во оваа кунг-фу акција како ковач во феудална Кина кој мора да го спаси неговото мало село. Ко-писател е хорор- мастерот Ели Рот, а дел од екипата е и Расел Кроу, како мистериозен посетител, како и Луси Лиу и Пем Гриер. Филмот излегува на 2ри ноември.

28. Wreck It Ralph

Џон Ц. Рајли е негативец од видео игра кој предизвикува секакви проблеми додека се обидува да стане херој бегајќи во друга игра. Анимираниот филм ги вклучува гласовите на Џејн Линч, Џек Мекбрајер, Сара Силверман, Ед О’Нил и Минди Калинг. Филмот излегува на 2ри ноември.

29. Flight

Дензел Вашингтон е пилот кој станува прославен херој откако го спасува од несреќа неговиот комерцијален авион и успева да го слета, избегнувајќи судир во воздухот. Сепак, истрагата открива што навистина се случило за време на летот. Филмот излегува на 2ри ноември.

30. This Must Be The Place

Шон Пен практично се облече како травестит (или како Роберт Смит од The Cure) за да ја игра улогата на пензионирана рок - ѕвезда која се враќа во Њујорк од Даблин за да го најде нацистот, кој бил пратен да го “лови” неговиот отуѓен татко, пред неговата смрт. Филмот излегува на 2ри ноември.

Не препуштајте да ги прегледате и останатите во првиот и вториот дел.