10 филмски премиери што не треба да ги пропуштите ова лето

Долгоочекуваниот Deadpool & Wolverine, како и третото продолжение на A Quiet Place кое се фокусира на почетоците на апокалипсата - кој филм го чекате со нетрпение?

Летово нè очекуваат бројни возбудливи филмски премиери.

Некои инспирирани од вистински приказни, некои со оригинални сценарија, но и продолженија на популарни серијали – има многу филмови кои не треба да ги пропуштите.

10 филмски премиери што не треба дa ги пропуштите летово:

Датумите се за премиерите во САД, што значи кај нас може да почнат да се прикажуваат малку подоцна.

Inside Out 2 (14-ти јуни)

Во второто продолжение од анимираниот филм на Pixar, дејството е сместено една година по настаните од првиот дел.

Главниот лик повторно е Рајли која сега почнува да оди во средно.

А, покрај емоциите што ги гледавме во првиот дел, како тага и радост, сега има и нова која создава многу проблеми.

The Bikeriders (21-ви јуни)

Дејството е сместено во 1960-тите и се фокусира на мото-клуб од Чикаго кој го сочинуваат криминалци.

Во филмот се прикажани животите на неколку членови и нивните семејства, како и еволуцијата на клубот во насилна банда.

Thelma (21-ви јуни)

Главниот лик е Телма, 93-годишна жена која „наседнува“ на измама, откако маж лажно ѝ се претставува дека ѝ е внук и успева да ја ограби.

Телма ја сфаќа измамата и тргнува на мисија да си го врати она што ѝ е одземено.

A Quiet Place: Day One (27-ми јуни)

Третото продолжение од популарниот серијал ќе се фокусира на почетоците на апокалипсата.

Дејството е сместено пред првиот филм, а главниот лик е жена која се обидува да ја преживее инвазијата од вонземјаните со многу изострен слух.

A Family Affair (28-ми јуни)

Со Никол Кидман и Зaк Ефрон во главните улоги, A Family Affair е романтична комедија.

Главниот лик е Зара, млада жена која работи како асистентка на разгален холивудски актер. И, открива дека мајка ѝ е во тајна врска со актерот.

Продолжува на следната страница...