Гол презентер на сцената, паѓање на црвениот тепих: Забавни (и непријатни) моменти од Оскари 2024

Во публиката имаше и специјален гостин – кучето Меси кое стана ѕвезда благодарение на филмот Anatomy of a Fall.

Арнолд Шварценегер и Дени де Вито им ја разбудија носталгијата на фановите на Бетмен.

Двајцата актери глумеа негативци во филмови со познатиот суперхерој, додека Мајкл Китон го има глумено Бетмен.

Кога Шварценегер и Девито се качија на сцената, почнаа да покажуваат кон Китон, па дури и почнаа да го навредуваат (на шега).

Рајан Гослинг ја испеа веќе култната I’m Just Ken и никој не остана рамнодушен на изведбата, а актерот успеа да ја раздвижи и публиката.

Марго Роби, пак, не можеше да престане да се смее во текот на настапот на колегата.

Килијан Марфи, кој веќе е познат како актер кој мрази свечености и на секој важен настан изгледа „скиснато“, изреагира мошне емотивно кога му ја врачија статуетката на сцената.

Со говорот, актерот ја покажа својата скромност и им одаде почит и на другите номинирани во категоријата.

Спирова С. | Црнобело