10 (по)нови мини-серии што ќе ги изгледате во еден здив

Мистериозни убиства, политичка скандали и опасна жена која била на чело на најмоќниот картел во светот – Неколку забавни мини-серии што ќе ви го исполнат слободното време.

Мини-сериите стануваат сè попопуларни бидејќи не треба да им посветите многу време, а и не треба да чекате за нови епизоди или сезони.

Но, поради популарноста, денес има навистина многу мини-серии и некогаш е тешко да изберете што да гледате.

Ако ви треба идеја, сигурно ќе ви се допадне нешто од следниве понови мини-серии:

Griselda

Моментално Griselda e една од најпопуларните серии на Нетфликс, а главната улога ѝ припаѓа на Софија Вергара.

Серијата е инспирирана од животот на Гризледа Бланко, жената која го водела можеби најмоќниот картел во историјата на светот.

Дејството го следи развивањето на бизнисот со кокаин на Гризелда во 1970-тите и 1980-тите во Мајами.

Ted

По двата релативно успешни филма, приказната за мечето играчка сега е и во вид на серија.

Дејството на серијата е сместено во 1993 година, кога главниот лик Џон е средношколец и посакува неговата играчка да оживее.

За разлика од ликовите што ги гледаме во филмовите, Тед и Џон не се толку безобразни, но сепак се соочуваат со непријатни ситуации.

Fellow Travelers

Снимена според истоимената новела на Томас Малон, Fellow Travelers се фокусира на романтичната врска помеѓу двајца мажи.

Дејството опфаќа неколку децении, почнувајќи од 1950-тите, и ја прикажува врската на двајцата мажи, заедно со сите предизвици со коишто се соочуваат.

A Murder at the End of the World

Со Ема Корин во главната улога, A Murder at the End of the World е крими серија што сигурно ќе ѝ се допадне на помладата публика.

Главниот лик Дерби е хакер кој е поканет во домот на милијардер заедно со уште осум други гости.

Кога еден од гостите е пронајден мртов, останатите треба да ја решат мистеријата.

Scavengers Reign

Анимирана серија која ќе им се допадне и на возрасните, особено љубителите на научната фантастика.

Главните ликови се екипаж чиј вселенски брод „заглавува“ на навистина убава, но и мошне опасна планета.

Продолжува на следната страница...