Лила Филиповска по исповедта за ракот: „Ќе зборувам за мојот пат за да помогнам некому што можеби го поминува истото“
- Детали
- среда, 15 март 2023
„Во наредниов период подетално ќе зборувам за мојот пат сè со цел да помогнам некому што можеби го поминува истото затоа што во вакви моменти поддршката е најважна...“, најави Лила Филиповска по извојувањето на битката со ракот. Таа се заблагодари на сета љубов и поддршка.
Лила Филиповска по долг период говорење дека имала тешка година зад себе, откри дека всушност се борела со ракот и успешно ја извојувала оваа битка.
Таа проговори отворено за да им даде поддршка и на другите кои се соочуваат со оваа дијагноза и моментално ги живеат најтешките мигови од нивните животи.
По нејзиното појавување со кратка коса, Лила доби лавина од коментари за поддршка и се огласи на Инстаграм.
Овојпат таа откри:
„Еве баш вака сум насмеана заради илјадниците пораки што ги добив од вас драги пријатели, тони љубов и желби за добро здравје. А што друго ни треба? Ако немаш здравје немаш ништо!
Ама кога го имаме често забораваме да го цениме.
Секој има своја борба, и никогаш не знаеш кој со каков проблем се соочува… затоа секогаш биди љубезен барем тоа е бесплатно.
Жалам што не можам на сите да ви вратам на прекрасните пораки, но еве на овој начин сакам да ви се заблагодарам искрено и од срце за одвоеното време и убавите желби.
Во наредниов период подетално ќе зборувам за мојот пат сè со цел да помогнам некому што можеби го поминува истото затоа што во вакви моменти поддршката е најважна и ве молам секогаш кога можете давајте ја, затоа што тоа е главната сила во битката со секое зло, па и со ова.
Ве сака ваша Лила“
С. С. | Црнобело
Би можело да ве интересира:
Препорачуваме
Најчитани неделава
