Маја Вукичевиќ води семеен живот во Австралија, по музичката кариера со хитови и храбри модни избори (фото)
- Детали
- недела, 01 јануари 2023
Маја Вукичевиќ (48) - пејачка во чекор со последната мода, актуелности и со феноменални и храбри стајлинзи за секое фестивалско или телевизиско појавување, настапуваше на речиси сите македонски поп фестивали каде се пееше во живо, но пред неколку години се повлече од македонската сцена и замина во Австралија каде води семеен живот.
Маја Вукичевиќ е позната на македонската естрада, а доста популарни беа нејзините провокативни спотови.
Позната е и по нејзината долгогодишна соработка со српскиот режисер Дејан Миличевиќ, кој правеше спотовите на Маја да изгледаат скапо и, за тоа време уникатно.
Со оглед на тоа дека секогаш била дискретна во однос на својот приватен живот, таа стана уште поинтересна, затоа што сите информации за нејзиниот љубовен живот се сведуваа на шпекулации и поврзувања со разни градски фаци, бизнисмени и политичари.
Единствено познато за неа е дека се омажила млада и на 20 години го родила синот Гораст, кој сега веќе има 26 години.
Синот ѝ е нејзина најголема гордост, за што е доказ и нејзината поодамнешна објава од 2019 година, кога тој дипломирал на Економскиот факултет во Скопје.
После повеќе од 20 години присутност на македонската музичка сцена, Маја се повлече од музиката и се врати на старата љубов - новинарството, кога и работеше во магазинот Теа модерна.
Сега Маја веќе неколку години живее во Сиднеј, Австралија, заедно со нејзиниот сегашен сопруг, се претпоставува Македонец кој живее и работи таму.
И покрај нејзината желба да почне нов живот преку океанот како мажена жена со мирен живот, Маја недостасува на нашата сцена.
Таа е запаметена како една од нашите поп пејачки, без чии песни не поминуваше ниту една домашна забава, а и во ноќните клубови нејзините хитови беа пуштани постојано.
За жал многу од нејзините најдобри спотови повеќе не се достапни на YouTube, но песните сè уште се слушаат и покрај отсуството на спот.
Можеби и ќе нè изненади со некој хит снимен во Австралија, никогаш не се знае.
Маја последниов период најчесто објавува слики од природа или пак пејзажи од Австралија, без многу себеекспонирање.
Во продолжение повеќе фотографии и видеа од Маја:
Кара | Црнобело
Би можело да ве интересира:
Препорачуваме
Најчитани неделава
